"Qazaqfılm" kınostýdıasy ataqty qazaq aqyny Muqaǵalı Maqataev týraly kınonyń túsirilim jumystaryn bastady. Bul fılmniń rejıseri – tanymal kınotanýshy Bolat Qalymbetov dep habarlaıdy Qamshy.kz aqparat agenttigi Tengrinews.kz saıtyna silteme jasap.

• "Kınokartına QR Mádenıet jáne sport mınıstrliginiń arnaıy tapsyrysymen Sháken Aımanov atyndaǵy "Qazaqfılm" AQ stýdıasynda túsirilmek. Bul fılm tolyqtaı aqyn týraly bolmaýy múmkin. Biraq adam taǵdyry týrasynda ekeni anyq", - dedi Qalymbetov.

Túsirilim prosesi Óskemen qalasynda bastaldy. Ári qaraı komanda Sankt-Peterbýrg qalasyna barmaq. Sodan keıin Almatyǵa oralady.

Rejıserdiń aıtýynsha, bul kınokartına Muqaǵalı Maqataevtyń ómiriniń sońǵy jyldary týraly aıtady. Fılm QazSSR Jazýshylar Odaǵynyń aqyn taǵdyryn sheshetin jınalysynan bastalady. Maqataev sol jerde jınalys sheshimin kútpeı, múshelik bıletin tastap ketedi.

Senarı avtorlary – Júsipbek Qorǵasbek, Bolat Qalymbetov jáne Ǵazız Nasyrov. Qoıýshy operatory – Edige Nesipbekov. Fılm prodúseri – Almat Masalım.