Kıno súıer kórermenge belgili qoıýshy - rejıser, "Ertuǵyryl" serıalynyń avtory ári rejıseri Gúnaı Metın ortaǵasyrlyq Saýran qalashyǵyn aralady dep habarlaıdy Qamshy.kz aqparat agenttigi.

QR Mádenıet jáne sport mınıstri Arystanbek Muhamedıulymen Otyrartóbe qalashyǵyn aralap,  fılmge daıyndyq jóninde pikir bildirýden bastalǵan sapar tarıhqa baı Saýrannyń syrly álemimen tanysty.

"Fılmniń senarıin jazý barysynda Qazaqstandaǵy tarıhı jerler jaıly da kóp izdendim. Túrkistan qazaqtyń handary men batyrlarynyń súıegi jatqan jer. Mádenıet jáne sport mınıstri Arystanbek Muhamedıulynyń da usynysy meniń izdenisime ushtasa tústi. Sondyqtan Otyrartóbe men Saýrannyń derekteri men tarıhı izderi fılmde kórinis tapsa degen oı týyndady. Aldyn ala tanysyp kórý jumystaryn bastadyq",- dedi rejıser Metın Gúnaı.

Aıta ketsek, jýyrda ǵana  QR Mádenıet jáne sport mınıstri Arystanbek Muhamedıuly Túrkistan oblysyndaǵy tarıhı oryndarǵa jasaǵan sapary barysynda Saýran qalashyǵynyń tarıhı kelbetin saqtaı otyryp, qaıta qalpyna keltirý jumystaryn júrgizý, týrısik ortalyqqa aınaldyrý boıynsha málimdegen bolatyn.  Mınıstrdiń "Kınolarda qazaq halqynyń ómirin kórsetý úshin tek kıiz úıdi ornata berý durys emes. Bizdiń negizgi beınemiz tarıhı qalalardy turǵyzǵan kóregendilikte jatyr. Sonyń bir mysaly retinde Saýran qalasyn aıtýǵa bolady. Árbir kirpishiniń ózinde sol ǵasyrdaǵy tereń fılosofıa jatyr",- degeni belgili.

Osy oraıda, Qazaq Ordasynyń negizin salýshy, qol bastaýda da, el basqarýda da ejelgi ata-dástúrin  meńgergen Qasym han jaıly 75 serıaly fılm belgili sultan, dańqty bahadúrdiń qaıratkerlik jolyn kórsetpek.