Qostanaıda Baımaǵambetov pen Lermontov kósheleriniń qıylysynda jarylys boldy dep habarlaıdy Qamshy.kz aqparat agenttigi Tengrinews saıtyna silteme bere otyryp. 

Oqıǵa 17 maýsymda 12:00 shamasynda Qostanaı qalasyndaǵy Lermontov kóshesiniń boıynda ornalasqan ekiqabatty tehnıkalyq baıqaý stansıasynda tabıǵı gaz qurylǵysy jaryldy. Keıbir málimetter boıynsha, TBS ǵımaratyna gaz qondyrǵysy ornatylyp jatqan. Ǵımarat tolyǵymen buzylǵan, qırandylar jatqan jerde órt shyqqan. 

Oqıǵa saldarynan 7 adam zardap shekti, altaýy aýrýhanaǵa jetkizildi. Onyń úsheýi aýrýhanaǵa jatqyzyldy. Zardap shekkenderdiń birine oqıǵa ornynda kómek kórsetildi. Oqıǵa ornynda jedel shtab quryldy. Gaz ben elektr symdary aǵytyldy. Órt sóndirýshiler órtti 12:47-de tolyǵymen sóndirdi. 

Densaýlyq saqtaý basqarmasy málimetinshe, zardap shekken eki adam jansaqtaý bóliminde aýyr halde jatyr.