Nurlan Noǵaev qonaq úıler men oıyn-saýyq ortalyqtarynda órt qaýipsizdigi erejeleriniń saqtalýyn tekserýdi tapsyrdy dep jazady Qamshy.kz aqparat agenttigi.

Búgin, 17 maýsymda, apparat jınalysy barysynda Atyraý oblysy ákimi Nurlan Noǵaev qyzmet kórsetý salasynda jumys isteıtin barlyq nysandarda órtke qarsy qaýipsizdik erejeleriniń saqtalýyn tekserýdi tapsyrdy, dep habarlaıdy Atyraý oblysynyń Óńirlik komýnıkasıalar qyzmeti.

Jınalysta 16 maýsym kúni Raıhan qonaq úıinde bolǵan órt týraly másele kóterildi. Órt kezinde 34 adam evakýasıalandy, onyń 32-i jarysqa kelgen balalar. Barlyǵyna medısınalyq kómek kórsetildi.

"Biz qaıǵyly jaǵdaıǵa jol bermegen tótenshe jaǵdaılarǵa jedel áreket etý qyzmetiniń úılesimdi jumysyna, sondaı-aq, balalardy kóshirýge belsendi qatysqan azamattarǵa rızashylyǵymyzdy bildiremiz. Olar aramyzda júrgen batyrlar. Degenmen, basty másele - bul órttiń shyǵýyna ne sebep boldy, basqa jerde oryn alyp, qaıǵyly jaǵdaımen bitpeýine kim kepil? Osy oraıda kásipkerlerge moratorıı engizildi. Kásipkerler órt qaýipsizdigi týraly zań talaptaryn qatań saqtap, adam densaýlyǵy men ómirine qaýip tónbeýine tolyqtaı jaýapty. Órt qaýipsizdigine beı-jaı qaraýǵa bolmaıdy . Barlyq qonaq úıler men oıyn-saýyq ortalyqtaryn tekserý qajet", - dedi oblys ákimi.