Almatylyq taksı júrgizýshisi eki balanyń anasyn azaptan óltirgen. Týystarynyń aıtýynsha, áıeldiń qurban bolýyna altyn áshekeıleri men 20 myń teńgesi sebep bolǵan sekildi dep jazady Qamshy.kz aqparat agenttigi Tengrinews.kz saıtyna silteme jasap.

40 jastaǵy eki balanyń anasyna taksı júrgizýshisi kólikte shabýyl jasaǵan. Júrgizýshiniń janyndaǵy seriktes áıel de eki balanyń anasyn óltirýge kómektesipti.

Aldyńǵy orynǵa otyrǵan Batýra Mahmedovany artqy oryndaǵy áıel  qatty zatpen basynan urady. Sol kezde júrgizýshi de pyshaqpen onyń betinen, moıynynan urǵan. Jasaǵan qylmystaryn jasyrmaq oımen kúdiktiler máıitti Bereke aýylyna jaqyn mańǵa kómipti.

Batýranyń joǵalyp ketkenine 3 apta ýaqyt ótse de, onyń balalary men týystary aman-esen oralady dep sengenderin aıtady.