Almaty qalasynda Halyqaralyq aqparattyq tehnologıalar ýnıversıtetiniń burynǵy rektory Damır Shynybekov sybaılas jemqorlyqqa qatysy bar degen aıyppen tutqyndaldy dep jazady Qamshy.kz aqparat agenttigi Azattyq radıosyna silteme jasap.

Almaty qalalyq sotynyń baspasóz hatshysy Dıas Mahambetov óz sózinde kúdiktiniń eki aı tergeý ızolátorynda qamaýǵa alynatyny týraly aıtty.

• "Baqylaýda ustaý merzimi 29 mamyr men 29-shilde aralyǵynda esepteledi", - dedi ol.

Shynybekov birshama ýaqyt buryn sotqa appelásıalyq shaǵym túsirgen. Degenmen, Almaty qalalyq soty kúdiktiniń ótinishin qanaǵattandyrmady.

41 jastaǵy Shynybekov ekonomıka ǵylymdarynyń doktory jáne Almaty Qoǵamdyq keńesiniń múshesi. Sondaı-aq, 2009 jyldan bastap ústimizdegi jyldyń kúzine deıin İT ýnıversıtetiniń rektory qyzmetin atqarǵan. 2017 jyly Almaty máslıhatynyń depýtaty bolyp saılandy.