Atyraýda búldirshinge qol kótergeni úshin sóıleý qabileti buzylǵan balalarǵa arnalǵan mamandandyrylǵan balabaqshanyń tárbıeshisi jumystan qýyldy dep habarlaıdy Qamshy.kz aqparat agenttigi tengrinews.kz málimetin negizge ala otyryp.

Osyǵan deıin balany uryp-soǵyp jatqan sáttiń vıdeosy áleýmettik jelide tarap ketken edi. Jeli qoldanýshylary jergilikti bılik ókilderinen mektepke deıingi mekemeniń qyzmetkerine shara qoldanýdy surady.

Osydan keıin vıdeoǵa qala ákimdiginiń baspasóz qyzmetiniń ókilderi jaýap berdi.

"Qalanyń bilim basqarmasy tárbıeshiniń isi úshin keshirim suraıdy. Sonymen qatar, tárbıeshi ádepti buzǵany úshin jáne balalar mekemesiniń 18.06.2019 jyldyń № 25 buıryǵymen tárbıelenýshige qol kótergeni úshin jumystan qýyldy. Qalalyq bilim basqarmasy Atyraýdyń mektepke deıingi mekemeleriniń basshylary men tárbıeshilerine qyzmetterin adal jáne qyzmettik mindetterin durys atqarý kerek ekenin eskertedi. Endi osyndaı oqıǵa qaıtalanatyn bolsa mekeme qyzmetkerleri men onyń basshylyǵy qyzmetten bosatylady", - delingen ákimdiktiń resmı habarlamasynda.