Búgin Súleıman Demırel ýnıversıtetinde dástúrli  ýnıversıtetaralyq aqyndar aıtysy ótedi. Aıtystyń bıylǵy taqyryby – bilim jáne túrki halyqtarynyń rýhanı yntymaqtastyǵy. Qazaqtyń baǵa jetpes sóz óneri murasynyń biri – aıtys. Aıtys eń áýeli  dáýir shyndyǵynyń kórinisi. Aıtysta árbir problema ne áleýmettik bıik sana, úlken aqyndyq beıneli tilmen, shabytty jyrmen jetkiziledi. Ahmet Baıtursynuly «aıtys-tartys ishki ǵalam men tysqy ǵalamnyń túıiskenin kórsetetin sóz túri» dep túıedi. Asylynda, aqyndar aıtysy da ómirdiń shynaıy dramasy. Aıtys – tanym. Aıtys – ǵıbrat. Aıtys – kúres. Ómirlerin ónerge arnap, aıtys arqyly bir ımperıanyń baýyryn sózben ezgilegen Jambyl, Nurpeıis, Isa, Doskeı, Shashýbaı, Nartaı, Orynbaı, Nurlybek, Qalqa, Sáttiǵul, Nurqan, Bolman, Maıasar, Qýanysh, Joldykeı, Kenen, Qalıhan Altynbaev, Táńirbergen Ámirenov, Manap Kókenov, Aqilgek Júrgembekova, Kóken Shókeev, Áselhan Qalybekova, Ásıa Berkenova, Qonysbaı Ábilev, Aıaz Betbaev, Shynbolat Dildabaev, Jadyra Qutjanova syndy aǵa urpaq ókilderi búgingi jastarǵa ónege. Qazirgi tańda da tanylmaǵan daryndar jetkilikti. Súleımen Demırel ýnıversıteti fılologıa fakúltetiniń bul ıgi bastamasy ulttyq ónerdi dáripteýdi, talantty aqyndarǵa qoldaý kórsetýdi kózdeıdi. Aıtysqa aıtýly el aǵalary men jas aqyn, ǵalymdar tórelik etedi. Taqyrypqa shekteý joq. Basty ustanym – shapshań, tujyrymdy, kósheli oı aıtý. Júldeli oryndar sany – alty. Aıtysty bıylǵy ereksheligi – respýblıkalyq «Jyr doda» jas aqyndar aıtysynyń sheshýshi úshinshi kezeńine joldama alǵan aqyndardyń qatysatyndyǵynda. Qadirli qazaq óneriniń janashyrlary aıtysqa kelip, rýhanı azyq alyp qaıtyńyzdar! Dúbirli dodaǵa Qytaı Halyq respýblıkasynyń, qyrǵyz jáne bashqurt jas aqyndarynyń ókilderi qatynasady. Sonymen birge aıtysta respýblıkamyzdyń on jeti ýnıversıtettiń stýdentteri baq synaıdy.

 

Uıymdastyrý komıtetiniń mekenjaıy:

Qazaqstan Respýblıkasy, Almaty oblysy, Qaskelen qalasy.

Veb-saıt:  www.sdu.edu.kz

Súleımen Demırel Ýnıversıtettiniń birinshi qabatyndaǵy akt zaly.

Bastalýy: saǵat 10.00

Tolyǵyraq málimetti myna baılanys júıeleri arqyly  alýǵa bolady:

Sot.: 8775 9198099; 8 701 232 90 57; academ_kz@mail.ru