QR Bilim jáne ǵylym mınıstri Asqat Aımaǵambetov jas túlektermen kezdesti dep habarlaıdy Qamshy.kz aqparat agenttigi.
Mınıstr Nur-Sultan qalasy L.N.Gýmılev atyndaǵy Eýrazıa Ulttyq ýnıversıtetinde synaq tapsyratyn túlekterdiń alǵashqy legin qarsy alyp, túlekterge sáttilik tiledi.
"Búgin balalardyń kóńil-kúıi jaqsy. Barlyǵy óte kóńildi. Sebebi, oqýshylar osyǵan deıin birneshe ret UBT ótkiziletin oryndarda dál osyndaı tekseristermen, ınternet buǵattaýshy qurylǵylarmen test tapsyryp kórdi. Sondyqtan, bul olar úshin qalypty jaǵdaı.", - dedi mınıstr.
Mınıstrdiń aıtýynsha, bıyl Qazaqstanda 117 242 túlek UBT tapsyrady. Osy oraıda Asqat Aımaǵambetov memleketten qansha grant bólingenin aıtyp ótti.
"Ótken jyly granttar sany ósti. Bıyl da ósý tendensıasy saqtaldy. Osy jyly 53 myń memlekettik grant bakalavrıatqa bólindi. Bul balalarymyzdyń bilim alýyna, joǵary oqý ornyna túsýine úlken múmkindik beredi", - dedi bilim mınıstri.
Pikir qaldyrý