Aqmola oblysy Rodına aýylynyń mańynda AN-2 ushaǵy apatqa ushyrady dep habarlaıdy Qamshy.kz aqparat agenttigi tengrinews.kz saıtyna silteme jasap. Bul málimetti İİM TJK resmı ókili Nursultan Nurahmetov rastady.
"20 maýsymda shamamen saǵat 10.00-de Aqmola oblysy Selınograd aýdany Rodına aýylynan 10 shaqyrym jerde egistikte hımıalyq óńdeý júrgizý kezinde AN-2 ushaǵy apatqa ushyrady", - dedi Nurahmetov.
Ushaq apatynan ushqysh qaza tapqan, ekıpajdyń eki múshesi túrli jaraqattarmen aýrýhanaǵa jetkizilgen. Tótenshe jaǵdaıdyń sebebi anyqtalyp jatyr.
Indýstrıa jáne ınfraqurylymdyq damý mınıstrliginiń málimetinshe, osy derek boıynsha tergeý júrgiziledi.
