Qazaqstannyń aqparat jáne qoǵamdyq damý mınıstri Dáýren Abaev jańa prezıdent Qasym-Jomart Toqaevtyń mınıstrler kabınetinde jasaǵan taǵaıyndaýlaryna qatysty pikir bildirdi dep habarlaıdy Qamshy.kz aqparat agenttigi sputniknews.kz saıtyna silteme jasap.

"Otkrytyı dıalog" baǵdarlamasynyń júrgizýshisi qoıǵan "Sońǵy taǵaıyndaýlardy el bıligindegi iri ózgeristerdiń basy dep sanaýǵa bola ma?" degen suraqqa mınıstr bylaı dep jaýap berdi:

"Iá, jańa prezıdent birqatar kadrlyq taǵaıyndaý jasady. Biraq bári úılestirilgen. Sol sebepti bul  Qasym-Jomart Kemeluly ulyqtaý rásiminde atap kórsetken on tapsyrmany oryndaýǵa atqarýshy bılikti baǵyttaý úshin jasalǵan basqarýshylyq qadam boldy".

Mınıstr atap ótkendeı, prezıdenttiń ulyqtaý rásiminde aıtqan sózi jaı ǵana alǵysóz emes, saıası deklarasıamen teń. Ásirese, jańa prezıdent saılanǵanda onyń mańyzy zor.

"Resmı túrde rásimge qatysqandarǵa aıtylǵanymen, shyn mánisinde búkil halyqqa, dıplomatıalyq korpýsqa jáne bir jaǵynan álemdik qaýymdastyqqa jasalǵan úndeý", - dedi mınıstr.

Abaevtyń aıtýynsha, prezıdenttiń sózi Elbasynyń baǵytyn ári qaraı jalǵastyryp, ózgeristerge bet alý qajettigin bildiredi. Árbir pýnkt pen árbir tapsyrma qarapaıym halyqtyń muń-muqtajy men talap-tilekteri negizinde aıshyqtaldy, dep sanaıdy mınıstr.

"Ulyqtaý rásiminde aıtqan sózi Toqaevtyń ózindik bir messedji sıaqty boldy: "Halyqtyń muń-muqtajyn estidik, endi iske kósheıik", - dedi Abaev.

Eske sala ketsek, Qasym-Jomart Toqaev ulyqtaý rásiminen keıin Qazaqstanda birqatar taǵaıyndaý jasady. Budan bólek, keıbir vedomstvolar qaıta uıymdastyrylyp, saýda jáne ıntegrasıa, ınovasıalar jáne sıfrlyq damý, sondaı-aq ekologıa, geologıa jáne tabıǵı resýrstar mınıstrlikteri quryldy.