İshki ister mınıstri Erlan Turǵymbaev kún saıyn 15 saǵat jumys isteıtinin málimdedi dep habarlaıdy Qamshy.kz aqparat agenttigi Tengrinews.kz caıtyna silteme jasap. 

Mınıstrdiń halyqqa esep berý kezdesýinde zalda otyrǵan jastardyń biri İİM basshysyna "polıseılerdiń jumys ýaqytyn belgileý qaıta qarastyryla ma?" degen suraq qoıdy. Onyń aıtýynsha, qazir tártip saqshylary belgilengen 8 saǵattyq jumystyń ornyna, kúnine 14-15 saǵat jumys isteýde. Sonymen qatar, ol bolashaqta polısıa qyzmetkeri bolyp jumys istegisi keletinin jetkizdi. 

"Eger shynydyǵyn aıtar bolsaq, zań boıynsha 8 saǵat jumys isteý kerek. Men jumysqa tańerteń 7.30-da kelip, túngi 10-da qaıtamyn. Óıtkeni men mınıstrmin. Qazir jumys óte kóp, qylmystarmen kúresýimiz kerek. Sol sebepti, men 8 saǵatty syltaýratyp jumystan erte ketip qalsam, qylmyskerlermen kim kúresedi? Eger osy salada jumys istegiń kelse, óziń oılan", - dep jaýap berdi Erlan Turǵymbaev.