Batys Qazaqstanda 17 jastaǵy qyz jezókshelikke jegildi, - dep habarlaıdy "Moı gorod".

BQO İİD baspasóz qyzmetiniń málimetinshe, 13 maýsymda Tasqala aýdandyq polısıa bólimine bir áıel baryp, ótken jyldyń jeltoqsan aıynda kámelet jasqa tolmaǵan qyzynyń úıden shyǵyp ketip, áli kúnge oralmaǵanyn aıtqan. Polıseıler sol kúnnen bastap qyzdy izdeýge kiristi.

"Uıymdasqan qylmysqa qarsy kúres basqarmasynyń qyzmetkerleri júrgizgen jedel-izdestirý sharasy barysynda joǵalyp ketken 17 jastaǵy qyzdyń oblys ortalyǵynda jezókshelikpen aınalysyp júrgeni anyqtaldy. Sonymen qatar, ony mundaı áreketke Oraldyń 27 jastaǵy turǵynynyń tartqany belgili boldy", - deıdi baspasóz qyzmetindegiler.

Aıta keteıik, keıin oraldyq áıeldiń kámelet jasqa tolmaǵan qyzdyń materıaldyq jaǵdaıyn paıdalanǵany anyqtaldy. Qyz jaǵdaıy tómen otbasynan shyqqan, esh jerde oqymaıdy jáne jumys istemeıdi. Qazirgi tańda ustalǵan áıelge qatysty QR QK 134-baby "Kámeletke tolmaǵan adamdy jezókshelikpen aınalysýǵa tartý" boıynsha sotqa deıingi tergeý bastaldy.