Ǵalamtor arqyly mıllıonerge aınalýǵa bolady. Ondaılarǵa mysaldy kóptep tabýǵa da daıynbyz. Biraq olardyń arasynda qarakózderdiń bolǵanyn qalaıtynymyz taǵy bar.Bireý ǵalamtorda kóp otyryp óz ýaqytyn ótkizip alsa , bireýleri ǵalamtordy bızneske aınaldyrǵan. Tipti sol bıznesterin alǵa jyljytyp mıllıoner jáne mıllıarder atalynyp jatqandary qanshama. Mark Sýkeberg, Pavel Dýrov bul esimder sizderge tanys bolar. Alaıda bulardan da basqa adamdar ǵalamtor arqyly óz bıznesin júrgizip júrgender de bar.
Sonyń birnesheýin sizderge usynamyn.
1) Eshlı Kýol 25 jasta
2004 jyly 14 jasynda «whateverlife» saıtyn qurady. Ol saıtqa óziniń jasaǵan grafıkalyq jumystaryn sala bastaıdy. Alaıda Eshlı saıtyn komersıalyq maqsatta ashpaǵan. Jaı grafıkamen jumys jasaýǵa qyzyqqandyqtan ashqan eken. Onyń grafıkamen jasaǵan jumysy jasóspirim qyzdar arasynda qyzyǵýshylyq týdyrǵan. Saıty da azdap tanymal bola bastaıdy. Keıinnen Eshlı saıttaǵy jarnamanyń mańyzyn túsinip jarnama arqyly aqsha taba bastaıdy. Ol jarnama jasaýdan eń alǵash $2700, sosyn $5000, sosyn $10000 aqsha tabady. 3 jyl ótken soń ıaǵnı 2007 jyly Eshlı óziniń alǵashqy mıllonyna qol jetkizedi. Alaıda bir nársege jetý úshin ekinshi bir nárseni qurbandyq etý kerek qoı. E. Kýols qurbandyqqa mektebin shaldy. Ol óziniń bıznesin belsendi túrde jaqsy júrgizý úshin mektepti tastaýyna týra kelgen.
Mamandar Eshlıdiń aı saıynǵy tabysy 70 000 dollar dep eseptedi. Onyń tabysynyń kóp bóligin Google Adsense – degi jarnamalar quraıdy. Qazirgi ýaqytta Eshlı álemdegi eń jas mıllıonerler qataryna jatady.
2) Devıd jáne Katerına Kýk - 24- 25 jasta
Aǵaly - qaryndasty Devıd pen Katerına Kýk 2005 jyly MyYearBook.com áleýmettik servısin qurady. Ol kezde olar Amerıkadaǵy mektepterdiń birinde joǵary synypta oqıtyn 15 pen 16 jastaǵy oqýshylar bolatyn. Basynda osy servısti qoldanýshylar arasynda ǵana tanymal bola bastady. Keıinnen ınvestorlar aqsha salǵannan keıin servıste chat qyzmeti, flesh-oıyndar, óziniń vırtýaldy aqshasy paıda boldy. Árıne, myyearbook , M. Sýkerbergtiń Facebook- gin jeńe almady. Alaıda jarnama arqyly aqsha tabatyn, oıynnyń ishinde vırtýaldy aqshasy bolatyn, aqsha tólep jazylatyn áleýmettik servıs retinde myyearbook Qurama Shtattarda 3-orynǵa ıe boldy.
2009 jylǵy tabysy $20 mıllıon boldy. Biraq 2011 jyly Quepasa áleýmettik jelisi $100 mıllıonǵa satyp alady.
3) Devıd Karp (tumblr.com) – 29 jasta
1986jyly 6 shildede týylǵan.
Qazirgi ýaqyttaǵy eń tanymal blogtuǵyrnama tumblr - negizin qalaýshy. Nú-Iorktaǵy Manhettende týyp ósken. 14 jasynda teleprodúser ári anımator Frenk Seıberttiń qol astynda taǵylymdamadan(stajırovkadan ) ótedi. Taǵylymdamadan ótken soń UrbanBaby jas otbasylarǵa arnalǵan ǵalamtor- jobasynda jumys isteıdi. 2006 jyly Devıd óziniń istep júrgen jumysyn tastap, jeke ózińiń mıkroblogtarǵa arnalaǵan platformasyn qurady. Arada 3 jyl ótken soń ıaǵnı 2009 jyly tamyzda BusinessWeek jýrnaly ony IT salasyndaǵy úzdik jas kásipker dep atady. Bolg tuǵyrnamanyń tanymal bolǵany sonsha 2011 jyly qazanda tipti AQSH prezıdenti Barak Obamanyń ózi tumblr - dan óz blogyn ashty.
4) Patrık Kollıson jáne Djon Kollıson 26-24 jas
Patrık Kollıson jáne Djon Kollıson aǵaıyndy baǵdarlamalashylar. (programmalaýshylar). Stripe servısin oılap tapqan. Bul servıs negizinen uıaly telefonnan ǵalamtor arqyly tólem jasaýǵa arnalǵan bolatyn. Bylaı qaraǵanda qarapaıym bolyp kóringenimen aǵaıyndylardyń qurǵan komponıasy 4 jyl ishinde $120 mıllıon ınvestısıa tartqan. Al sarapshylar ony $1,75 mlrd baǵalaǵan.
5) Adam Hıldred( dubit.co.uk) – 30 jas
1985 j 25 naýryzda týylǵan.
Nebári 14 jasynda 1999 jyly jańa áleýmettik jelini iske qosady. Onyń qurǵan Dubit limited jobasy 1999 jyly Gınnes Rekordtar kitabyna eń jas kásipkerler qurǵan joba retinde enedi. Coca – Cola sıaqty alpaýyt komponıalar jeli qoldanýshylaryn maqsatty top retinde paıdalanyp, jastarǵa arnalǵan marketıńtik strategıa jasaıdy. Adam 4 jyl boıy Dubit limited agenttiginiń basqarýshy dırektory bolady. Al 19 jasqa shyqqanda ol Ulybrıtanıadaǵy eń baı 20 jas kásipkerdiń arasyna kiredi. Ol kezdegi onyń dáýleti 2 mılllıon fýntqa taıaý bolady. Sarapshylar pikirinshe 2020 jylǵa qaraı Adam Hıldrettiń baılyǵy 40 mıllıon fýnt bolady dep boljaýda.
6) Bleık Aaron Ross (Mozilla Firefox )- 30 jasta
1985 jyly 12 maýsymda Florıda shtatynyń Maıamı qalasynda týylǵan. Jastaıynan tehnologıaǵa qyzyqqan. Tipti nebári 10 jasynda Ross óziniń eń alǵashqy saıtyn jasaǵan. 15 jasynda Netscape komponıasynda jumys istep, sonda Deıv Hevıttpen tanysady. Deıv Hevıttpen birge 2004 jyly Mozilla Firefox braýzerin qurdy. Braýzer ǵalamtor qoldanýshylar arasynda tez tanyla bastady. Braýzer 1 aıdyń ishinde 100 mıllıon ret júktelingen. Al sol kezde Rosstyń jasy bar bolǵany 19 jasta edi.
2005 jyly Wired jýrnaly Bleık Rossty Rave Award júldesimen marapttaıdy.
Búginde Bleık Ross Mozilla Foundation- da jáne taǵy basqa baǵdaralamalarmen jumys jasaıdy.
Al Mozilla Firefox - álemdegi tanymal tegin braýzerdiń biri.
7) Evan Shpıgel -25 Bobbı Merfı-27 jasta
Evan Shpıgel aýqatty otbasydan shyqqan. Biraq ata- anasy úılengenderine 20 jyl tolǵanda ajyrasyp ketedi. Bul Evanǵa aýyr tıedi. Sol kezde Evan Red Bull – da tegin taǵylymdamadan ótedi. Taǵylymdamada ol marketıń salasynda qalaı jumys isteý kerek ekendigin túsinedi. Evan Stenford – ta oqyp júrgende Bobbı Merfımen tanysyp, ekeýi birge FutureFreshman.com saıtyn qurady.Saıt talapkerlerge joǵary oqý orynyn tańdaý kezinde kómektesetin qural bolady. Alaıda bul saıtty tek ata- analar men talapkerler ǵana qoldanatyndyqtan Evan men Bobbı basqa baǵdarlama oılap tabý kerek ekendigin uǵady. Sóıtip olar Snapchat- ty jasaıdy. Olarǵa Snapchat ty jasaýǵa Redjı Braýn kómektesedi. Snapchat- fotografıalar men beınerolıkterdi jóneltetin áleýmettik jeli. Bul ásirese amerıkandyq jastar arasynda óte tanymal. Snapchat áleýmettik jelisine M. Sýkeberg qyzýshylyq tanytyp Evan men Bobbıge $3 mlrd satýǵa usynys jasaıdy.. Alaıda olar bas tartty. Komponıa jumys istegeli $120 mln- nan astam ınvestısıa tartylǵan. Qazirgi ýaqytta Snapchat jaqsy qarqynmen damyp kele jatyr.
8) Palmer Lakı(Oculus Rift ) - 22 jasta
1992 j 19 qyrkúıekte týylǵan. Kalıfornıa shtatynda Long-Bıng qalasynda týyp ósken. Lakı jasóspirim kezinde sýretterdiń sapasyna kóńili tolmaıtyn. Sebebi ol vırtýaldy aqıqat retinde sezingisi keletin. Onyń osy kóńili tolmaýshylyq óziniń qalaǵandaı túrde sýret jasaýyna ákep soqtyrady. Ol 18 jasynda eń alǵash ákesiniń garajynda óziniń alǵashqy prototıpin jasaıdy. Ony ol CR1 dep ataıdy. Ol árıne birden keremet bolyp ketpeıdi. Sosyn Lakı taǵy da jumys jasaý nátıjesinde CR1 –ge 3D fýnksıasyn qosady.
Keıinnen Lakı óziniń jasaǵan jumysyna 3D fýnksıasyn qosyp óz oıyn Oculus Rift arqyly júzege asyrady. Oculus Rift shlemi arqyly adamnyń vırtýaldy ómirdi aqıqat ómir retinde elestetýge jol ashady. Tipti osyndaı shlemmen kompúterlik oıyn kezinde úılerdiń tóbesinen sekirý de kádimgideı qorqynyshty bolady.
Oculus Rift startapyna $93,4 mln ınvestısıa tartylǵan.
Qazirgi ýaqytta Oculus Rift M. Sýkebergtiń menshiginde. Sebebi ol 2014 jyly naýryz aıynda P. Lakıdan $2,4 mlrd satyp alǵan bolatyn.
9) Nık D' Aloızıo – 20 jasta.
Nık D' Aloızıo - aýqatty otbasydan shyqqan. Ákesi - bankır, anasy- zańger. Alaıda ata- anasy balalaryn jastaıynan baı adammen kedeı adamnyń qalaı ómir súretinin qulaǵyna quıyp ósiredi. Sonymen qatar balasyna dostary sıaqty bos ýaqytty kóńil- kóterýge emes, paıdaly nársege jumsaý kerek ekendigin esine salyp otyratyn bolǵan. Ata- ananyń bergen tárbıesi Nıktiń ómirine eleýli áser etedi. Ol jastaıynan tehnıkaǵa qyzyǵyp , baǵdarlamalaý tilderin óz betinshe oqı bastaıdy. Nık IPHONE- ǵa arnap baǵdarlama jasaý arqyly aqsha taba alatynyn túsindi.Ol Apple –diń baǵdarlamasynyń komplektin júkteıdi. Al onyń tilin túsiný úshin Amazon.com saıtyn paıdalanyp óz betinshe bilimin tolyqtyrady. Biraz ýaqyttan keıin ol SoundStumblr mýzykalyq baǵdarlamasyn jasaıdy. Bul baǵdarlama arqyly mýzykany Bluetooth arqyly jaqyn jerden estip júre alatyn múmkindik alady. Sonymen qatar Nık 2011 j óziniń blogyna jańa baǵdarlamany jasaǵanyn jazady. Bul baǵdarlama arqyly ǵalamtor betindegi kez kelgen materıaldy mazmuny boıynsha osy zaman oqyrman talaptaryna saı óte qysqa mátin generasıalaıtyn algorıtm oılap tapqan. Osy algorıtım negizinde 15 jasar Nık JOS – qa arnap qosymsha jazyp ony Summly dep ataıdy. 2 jyldan keıin Yahoo korporasıasyna $30 mln- ǵa satady.
10) Djýlett Brındak ( missOandfriends.com)
Djýlett - Vashıngton ýnıversıtetiniń stýdenti. 8-13 jas aralyǵyndaǵy qyzdarǵa arnalǵan miss O and friends.com saıtynyń bas dırektory. Saıtta vırtýaldy oıyndar, testter, chat qyzmeti jáne Mıs O keıipkeri bar. Bul saıt qyzdarǵa arnalǵan resýrstardyń reıtıńisinde 3-orynda tur.
Djýlett óziniń qıalyndaǵy Mıss O keıipkeriniń sýretin 10 jasynda salǵan. Biraz ýaqyttan ol keıiperiniń tek ózine ǵana emes, qurbylaryna, tipti basqa qyzdarǵa da unaıtynyn túsinedi. Ol dostary úshin ıntpernette Mıss O degen arnaıy top qurady. Keıinnen miss O and friends.com saıtyn ashady. Qazirgi ýaqytta bul resýrsqa kúnine mıllıondaǵan adam kiredi. Djýlettiń Mıss O bıznesi 15 mıllıon dollarǵa baǵalanǵan.
Qanıa Tabys
