Arysta bolǵan jarylystar saldarynan 19 turǵyn úı órtendi dep habarlaıdy Qamshy.kz aqparat agenttigi. Bul týraly QR İshki ister mınıstri Erlan Turǵynbaev úkimet otyrysynda aıtty.

"Qalada 23 órt sóndirý tehnıkasy jumys istep jatyr, 19 turǵyn úıde jáne 9 sharýashylyq ǵımarattarda shyqqan órt sóndirildi, sondaı-aq 14 tabıǵı órt shyqty - bul jazyqtaǵy shóp", - dedi mınıstr Erlan Turǵymbaev úkimet otyrysynda. 

Qazirgi ýaqytta snarádtardyń jarylýy men ushýyna baılanysty áskerı bólimsheniń qoımalarynda shyqqan órtti sóndirý múmkin bolmaı otyr eken.  Halyqty evakýasıalaý, sondaı-aq qoǵamdyq tártipti saqtaýdy qamtamasyz etý úshin ishki ister organdarynyń qyzmetkerleri men Ulttyq ulannyń áskerı qyzmetshileri jumyldyryldy. Jalpy sany 1,2 myńnan asa adam. Aıta keteıik, 24 maýsymda Arystaǵy áskerı bólimniń qoımasynda birneshe jarylys bolyp, qala turǵyndary túgelimen evakýasıalanǵan bolatyn. Oqys oqıǵa saldarynan 2 adam qaza tapty.