«Qaýipsiz jol» respýblıkalyq jedel aldyn alý is-sharasy barysynda jazǵy lagerde demalýshy balalarǵa jol qozǵalysy boıynsha qyzyqty konkýrstar uıymdastyryldy. Jol qozǵalysynyń jas ınspektorlary ótkizgen baıqaý demalýshylardyń kóńilinen shyǵyp, belsendilik tanytqan balalardyń barlyǵyna estelik syılyqtar tabys etildi.

«Respýblıkalyq is-shara aıasynda máni zor batamany qolǵa aldyq. Jol júrý erejesin balalar múltiksiz saqtaýy qajet. Óskeleń urpaq jol qozǵalysynda eshqandaı qatelik keshirilmeıtinin sezinýi tıis. Óıtkeni, qatelik sońy qaıǵyly jaǵdaıǵa dýshar etetini anyq. Polısıa kómekshileri – jas ınspektorlarǵa rızashylyǵymyzdy bildiremiz»,- dedi Almaty oblysy PD ókili Aıjan Alıpbaıqyzy.

Oblystyq polıseılerdiń aqparatyna sáıkes, jol qozǵalysyndaǵy balalar jaraqatynyń aldyn alý jáne ony boldyrmaý boıynsha júıeli jumys turaqty túrde júrgiziledi. Bıyl oblys kóleminde 220 jol-kólik oqıǵasynda jasóspirim balalar zardap shekken. Sonyń nátıjesinde 10 bala qaıtys bolyp, 220 astam bala ártúrli dene jaraqatyn alǵan.

«Jol júrý erejelerin úıretip, olardy túrli vıktorınalar men oıyndar arqyly este saqtaýǵa, ómirde oryndy qoldanýǵa baǵyttalǵan is-sharalar jazǵy lager maýsymynyń sońyna deıin jalǵasady»,- dep atap ótti oblystyq polısıa ókili.