Atyraý oblysynyń ákimi Nurlan Noǵaevpen kezdesýde japon kompanıasynyń ókili osyny málimdedi.
- Túrkistan oblysyndaǵy qaıǵyly oqıǵa týraly bárimiz de habardarmyz. 40 myńnan astam zardap shekkender búginde úıine orala almaı otyr. Japonıadaǵy atom elektrstansıasyndaǵy apat kezinde Qazaqstan bizdiń halqymyzǵa ólsheýsiz kómek, qoldaý kórsetti. Biz ony umytqan joqpyz, sondyqtan zardap shekkenderge qolymyzdan kelgenshe kómektesýge degen nıettemiz,-dedi «Tokyo Rope Almaty» JSHS-niń bas dırektory Takeıama Toshıo.
Óńir basshylyǵymen kezdesý kezinde japon ınvestorlary eki jaqty yntymaqtastyq máselelerin talqylady. Kúnshyǵys eliniń bıznes – kompanıalarynyń atyraý óńirine qyzyǵýshylyq tanytýynyń sebebi - Qazaqstannyń munaı-gaz salasyndaǵy neǵurlym iri jobalary osynda shoǵyrlanǵan. Óńirdiń ınvestısıalyq múmkindikterimen tanysý úshin Atyraýǵa «Metal One Corporation», «Metal One Steel Products Corporation» jáne basqa da kompanıalardyń basshylyǵy keldi.
​Álem boıynsha bolat ónimderin óńdeýmen shuǵyldanatyn 160 japondyq jáne sheteldik kompanıalarymen jumys jasaıtyn «Metal One Corporation» kompanıasy bolat dıstrıbúsıasy salasyndaǵy kóshbasshy bolyp tabylady.
«MetalOneSteelProductsCorporation» jalpyulttyq kólemde sym shybyqtaryn, arnaıy bolat jáne tot baspaıtyn bolat shyǵarýmen aınalysady.
Oblys ákimi Nurlan Noǵaev ınvestorlardy óńirdiń ınvestısıalyq múmkindikterimen tanystyryp, Elbasynyń, Prezıdenttiń el ekonomıkasyna ınvestısıalar tartýǵa zor mańyz berip otyrǵanyn atap ótti. «Biz tıimdi qarym-qatynas úshin qajetti barlyq jaǵdaıdy jasaımyz, ekijaqty yntymaqtastyń áleýeti zor»,-dep óńir basshysy atap aıtty.
​Japondyq ınvestorlar ónim óndiretin óz zaýytyn salýdy josparlap otyr. Jumys sapary kezinde olar bolashaq qurylystyń alańshasyn qaraıdy. Sondaı-aq, ındýstrıaldyq munaı hımıasy tehnoparkiniń jumysymen tanysady.