Atyraý oblysy ákimi Nurlan Noǵaev Inder aýdanyndaǵy «Jas órken» balalar jazǵy lagerinde ótip jatqan, «Jastar Otanǵa» atty lagerindegi jastarmen kezdesti.
Jastar saıasaty máseleleri basqarmasy men «Jastardy qoldaý ortalyǵy» qoǵamdyq qory uıymdastyryp jatqan "Jastar Otanǵa" lageri ekinshi márte ótkizilýde. Jospar boıynsha, bul lager jylyna bir ret qana ótkiziledi. Bul lagerde jas memlekettik qyzmetkerler, jas muǵalimder,óner jáne sport salasyndaǵy jastar, sondaı-aq, stýdentter men taǵy basqa ár saladaǵy jastar jınalǵan. Mundaǵy basty maqsat jastardyń boıynan jańa qazaqstandyq jastyń beınesin qalyptastyrý. Jastarmen kezdesýde aımaq basshysy jastardyń suraqtaryna jaýap berip,ómirdegi jınaǵan tájirıbesimen bólisti.
-Uıymdastyrylyp jatqan bul lager óte tıimdi shara dep esepteımin. Búgingi kúnge deıin jastarmen birlesip, kóptegen sharalar júzege asyp keledi. Óńirimizde 159 myń jastar bar, sonyń ishinde 100 jastar osy lagerge qatysyp otyr. Jastyq shaqtaǵy ýaqyttaryńyzdy tıimdi paıdalanyp, kóbirek kitap oqyp, shet tilderin jetik meńgerýlerińiz kerek. Mılaryńyzdy jattyqtyryp, ony kerekti aqparat pen bilimmen jetildirýlerińiz qajet. Jastardyń salaýatty ómir ustanýyna jáne sapaly bilim alýyna memleket tarapynan kóptegen jaǵdaılar jasalýda, - deıdi oblys basshysy Nurlan Noǵaev.
Lagerdegi jastar tek demalyp qana qoımaı, kúni boıyna semınar-trenıngterden ótýde. Uıymdastyrýshylardyń aıtýynsha, trenıńter bir jaqty emes.Fızıkalyq turǵyda,ıntellektýaldyq turǵyda jáne komandalyq toptyq jumystarǵa baǵyttalǵan semınar-trenıngter.
-Bıyl lagerge jastar tarapynan suranys kóp boldy. Sebebi, aldyńǵy jyly «Jastar Otanǵa» lageri Jeleznovodsk qalasynda ótip, oblysymyzdaǵy 80 jastar qatysqan bolatyn. Bıylǵy lagerge 100 jastar qatysýda. Ár jylda 20 jastan qosyp otyramyz degen josparymyz bar. Jastar bul lagerde bes kún bolady, - deıdi Atyraý oblystyq jastar saıasaty máseleleri basqarmasynyń basshysy Rollan Quspan.