Qazaqstan Respýblıkasynyń prezıdenti Qasym-Jomart Toqaev Sıfrlyq damý, qorǵanys jáne aeroǵarysh ónerkásibi mınıstri Asqar Jumaǵalıevti qabyldady dep habarlaıdy Qamshy.kz aqparat agenttigi Aqordaǵa silteme jasap.

Mınıstr memleket basshysyna mınıstrliktiń qazirgi ýaqytta júzege asyryp jatqan jobalaryn tanystyryp, "Sıfrly Qazaqstan" memlekettik baǵdarlamasynyń, jasandy ıntellektini damytýdy iske asyrylý baǵytyn baıandady.

Qasym-Jomart Toqaev óz kezeginde mınıstrliktiń qazirgi ýaqytta jasap jatqan jumysynyń mańyzdylyǵyn atap ótip, el ekonomıkasy men azamattarǵa kórsetiletin memlekettik qyzmetterdi avtomattandyrýdy, sıfrly júıege kóshirýdi tapsyrdy.

"Qazirgi ýaqytta azamattarǵa memlekettik qyzmetterdi paıdalanýda qıyndyq týǵyzatyn barlyq úderisterdi avtomattandyrý kerek. Azamattar kez-kelgen sapaly memlekettik qyzmetterdi avtomatty túrde alýy tıis", - dedi memleket basshysy.

Sondaı-aq, mınıstr elimizdegi dástúrli túrde ótetin İT-startaptardyń Halyqaralyq tehnoparki sanalatyn Astana Hub ınovasıalyq ekojúıesiniń jobalary týraly baıandady.

Asqar Jumaǵalıev keltirgen faktiler negizinde sóılesek, qazirgi ýaqytta tehnopark shtattyq rejımde jumys jasaıdy. 260 kompanıanyń akselerasıadan ótýi nátıjesinde Qazaqstan qazynasyna 28 mıllıard teńgege jýyq qarjy tartylǵan.