Reseıdegi «Golos. Detı» baıqaýynda jarq etip juldyzy janǵan órenniń keshi anshlagpen ótti dep habarlaıdy Qamshy.kz aqparat agenttigi «Habar 24» telearnasyna silteme jasap.
Uıymdastyrýshylardyń aıtýynsha, 2700 bılet tolyǵymen satylǵan. 300-deı bılet kóp balaly analar men múmkindigi shekteýli azamattarǵa tegin taratyldy.
Jalpy, merekelik kesh elordanyń 21 jyldyǵyna oraılastyrylǵan. Konsertte Erjan Maksım Ulyqpan Joldasov, Renat Gaısın, Sáken Maıǵazıev syndy Qazaqstannyń eńbek sińirgen qaıratkerlerimen dýette án shyrqady.
Ánderdiń basym bóligi patrıottyq sarynda. Álemdik klasıka týyndylary da boldy.
Konserttiń televızıalyq nusqasy shildeniń 7-si kúni «Habar» arnasynda kórsetiledi dep josparlanǵan.
Asqat Maemırov, T.Júrgenov atyndaǵy Qazaq ulttyq óner akademıasynyń rektory:
– Elimizde buryn-sońdy dál 11 jasynda úlken estradalyq sımfonıalyq orkestrmen jeke shyǵarmashylyq konsert berý birinshi ret bolyp tur. «Bulaq kórseń, kózin ash» deıdi ǵoı. Bizdiń Erjan kishkentaı bes jasynan bastap sahnada án shyrqap kele jatyr. Ánshi jas talant armandaıtyndaı konkýrstardyń barlyǵyna qatysty. Onyń fenomendigi eresek vokalıster oryndaıtyn kúrdeli klasıkalyq týyndylardy shyrqaýynda jáne sony esh qysylmaı, óziniń búkil tabıǵat bergen múmkindigin kórsetýinde dep men oılaımyn.
Posmotret etý pýblıkasıý v Instagram
Pikir qaldyrý