Arysta jarylystan keıin kúli qalǵan úılerdiń ornyna jańadan baspana salynatyn bolady dep habarlaıdy Qamshy.kz aqparat agenttigi Túrkistan oblysy ákimdiginiń baspasóz qyzmetiniń derekterine súıenip.
Arystaǵy jarylystan tolyqtaı órtengen úıler sany — 21. Bul jeke úılerde 28 otbasy turǵan. Qazirgi tańda úı ıeleri ýaqytsha orynǵa jaıǵasty.
Jalpy Arys qalasynda 7700-den astam úı bar. Olardyń kóbiniń shatyry, esik-terezeleri jarylystan zardap shekken.
Aıta keteıik, arystyqtarǵa qurylys-jóndeý jumystaryna kómek berý úshin elimizdiń 16 oblysynan jáne Nur-Sultan qalasynan 170 arnaıy brıgada keledi. Ár oblys qalada bólingen sektorlar boıynsha jumys aýqymyn bólip alyp, erteńnen bastap jóndeý jumystaryna kirisedi. Qurylys jumystary 1 aıdyń ishinde tolyq bitedi.
Pikir qaldyrý