Konferensıanyń alǵashqy kúni «Eýrazıa jáne damýshy naryq: saýda, ınvestısıa, tájirıbe almasý», «AHQO: munaı jáne gaz óndirisiniń jańa múmkindikteri» sıaqty paneldik sesıalarymen óz jumysyn bastady.

Mamandandyrylǵan halyqaralyq konferensıanyń basty maqsaty — óz alańynda álemdik sarapshylardy, saıasatkerlerdi, bıznes, memlekettik qyzmet ókilderin jáne ǵylymı ortalyqtardy, halyqaralyq qarjy ortalyqtaryn, sondaı-aq AHQO-da tirkelgen kompanıalar ókilderin biriktirý. Sonymen qatar, ıslamdyq qarjylandyrý salasyndaǵy ózekti máseleni talqyǵa salyp, ıslamdyq qarjylandyrý prınsıpteri Keńesiniń róli men Qazaqstandaǵy ıslamdyq qarjy qyzmetiniń bolashaǵyn anyqtap, atalǵan saladaǵy mańyzdy máselelerdi sheshý bolyp tabylady.

Eske salsaq,   2018 jyldyń 5 shildesinde resmı túrde ashylǵan «Astana» halyqaralyq qarjy ortalyǵy (AHQO) búginde álemdik qarjy ortalyqtary arasynda óz ornyn taýyp, el ekonomıkasynyń qarqyndy damýyna ózindik úles qosyp kele jatyr.

Oǵan dálel AHQO-nyń álemniń eń bedeldi 102 qarjy ortalyqtarynyń jahandyq reıtıńisinde (GFCI) 51-shi orynǵa jaıǵasýy.

Óńirlik qarjylyq hab osymen ekinshi márte el ekonomıkasyn damytý joldary talqylanatyn «Astana Finance Days» mamandandyrylǵan arnaıy konferensıasyn ótkizýde.

Aıta keterligi, bıylǵy jyly konferensıa jumys toby formatynda ótip, oǵan álemniń qarjy salasynyń bilikti 300-ge tarta sarapshylary qatysýda.