Almaty turǵyny jańa ákim Baqytjan Saǵyntaevqa Seıfýllın dańǵylynda turatyn jezókshelerge qatysty shaǵym aıtty dep habarlaıdy Qamshy.kz aqparat agenttigi Tengrinews.kz saıtyna silteme jasap.

"Aıtaıyn degenim, Seıfýllın kóshesindegi jezóksheler týraly. Olar temir jol vokzalynan bastap turady. Qyzdar óz qyzmetin usynýdan qymsynbaıdy. Otbasyńmen, balalaryńmen bul aradan óte almaısyń. Men úshin bul uıat jaǵdaı. Polısıa qyzmetkerleri de kúresip jatyr, biraq nátıjesiz. Bul jerde júrý óte uıat", - dedi Túriksib aýdanynyń tuǵyny Ádiljan Razıev.

"Aıtyldy, buıryq berildi. Men oǵan (Almaty polısıa basqarmasynyń bastyǵynyń orynbasaryn meńzep - red.) birden iske kirisýdi tapsyrdym. Eger nátıje shyqpasa, olar kúresip jatqan joq degen sóz. Iaǵnı olardyń ózderiniń de bul iske qatysy bar dep bilemin. Mine - polısıa basqarmasynyń bastyǵynyń orynbasary. Ol dál búginnen bastap iske kirisýi kerek. Eger búgin túnde, erteń, arǵy kúni osylaı jalǵasa beretin bolsa - maǵan dereý jazyńyzdar. Men barlyq jerde tirkelgenmin. Maǵan jazyńyzdar, ary qaraı sheshemiz", - dedi Baqytjan Saǵyntaev.