Arys qalasynyń 150 mektep oqýshylary jazǵy demalysynyń bir aıyn jetisýdyń eń kórikti jerlerinde ornalasqan lagerlerde ótkizedi dep habarlaıdy Qamshy.kz aqparat agenttigi Almaty oblysy ákiminiń baspasóz qyzmeti.

«Arystyq balalardy shildeniń 10 juldyzynan bastap qabyldaımyz. Balalar Eńbekshiqazaq aýdany men Qapshaǵaı qalasynda ornalasqan «Taý Janashar» jáne «Kúnshýaq» lagerlerinde tynyǵyp, qýattanatyn bolady. Bul iske búdjetten 30 mln. teńge bólindi. Baldyrǵandardyń demalysyn qamtamasyz etý barysynda arnaıy baǵdarlama qurastyrylyp, balalardy moraldi-psıhologıalyq qalpyna keltirý máselesi de qamtylady. Sonymen birge, jetisý jeriniń tańǵajaıyp jerleri de olardyń boıyna qýat darytyp, demalysy umytylmastaı áser qaldyratynyna kámil senimdimiz» - deıdi oblys ákimi.