Qazaqstan Prezıdenti «Nur Otan» partıasy Tóraǵasynyń birinshi orynbasary Baýyrjan Baıbekti qabyldady dep habarlaıdy Qamshy.kz aqparat agenttigi Aqorda saıtyndaǵy málimetterge súıenip.

Memleket basshysy Úkimetpen, Májilispen, máslıhattarmen ózara is-qımyldardy kúsheıtý, bastaýysh partıa uıymdaryn nyǵaıtý qajettigin aıtty. Qasym-Jomart Toqaev saılaýaldy ýádelerdiń oryndalýy úshin partıalyq jáne qoǵamdyq baqylaýdy qamtamasyz etýge nazar aýdardy.

"Partıanyń mindeti – saılaýaldy ýádelerdiń oryndalýy úshin qoǵamdyq baqylaýdy kúsheıtý. Halyqtyń barlyq amanatynyń oryndalýyn qatań baqylaýǵa alyp, olardyń naqty oryndalýyn qamtamasyz etý kerek. Elimizde júrgizilip jatqan reformalardyń mánin halyqqa ýaqtyly ári tıimdi jetkizý mańyzdy", – dedi Qazaqstan Prezıdenti.

Kezdesý barysynda Qasym-Jomart Toqaev Qoǵamdyq senim ulttyq keńesinde jáne jas mamandardan prezıdenttiń kadrlyq rezervin jasaqtaýda partıanyń jumysyn jandandyrý úshin birqatar tapsyrma berdi.