Nursultan Nazarbaevtyń nemeresi Aısultan Nazarbaev Londondaǵy qonaq úılerdiń birinde óz-ózine qol jumsamaq boldy dep jazady Qamshy.kz aqparat agenttigi Court News UK saıtyna silteme bere otyryp.  

2019 jyldyń 5-maýsym kúni qonaq úılerdiń birine polısıa jasaǵy óz-ózine qol jumsamaq bolǵan er adamdy qutqarý úshin keldi. Ol er adam Aısultan Nazarbaev bolyp shyqqan. Osy oqıǵadan eki kún buryn dál sol jerde olar Aısultandy aman alyp qalǵan eken.

Qutqarý kezinde Aısultan qarsylyq tanytyp, polısıa qyzmetkerleriniń bireýin tistep alǵan. 

Aısultan Nazarbaev – Darıǵa Nazarbaeva men Rahat Álıevtiń ekinshi uly. Ony buqaralyq aqparat quraldary kóbinese "prezıdenttiń súıikti jıeni" dep ataıdy.

Sýrette: Aısultannyń atasy N.Nazarbaev jáne ákesi R. Alıev

1990 jyly 26 tamyzda ómirge kelgen. Avstrıada ornalasqan Amerıka halyqaralyq mektebiniń túlegi, buǵan deıin BAQ jazǵandaı, oqý kezinde Aısultan tek mektepte alǵan stıpendıasyna ǵana ómir súrgen. Osylaısha ol aqshanyń qadirin túsinip, únemdeýdi úırenipti.

Brıtanıanyń koróldik "Sandherst" áskerı akademıasyn bitirgennen keıin, Otarǵa áskerı boryshyn óteýge attanady. QR Qorǵanys mınıstrligi bas barlaý basqarmasynyń shtatynda bolyp, aǵa leıtenant ataǵyn aldy.