Ol dosyna jibergen vıdeoúndeýinde abaqty qyzmetkerleriniń zorlyǵyna shydamaı, qolynyń qan tamyryn kesip, ishine pyshaq salǵanyn aıtqan.

"Sherzod áldekimdermen tóbelesip, buzaqylyq úshin aıyptalyp, 277-bappen sottalyp ketken. Juma kúni abaqty qyzmetkerleri ony qatty sabap, óz ómirine qol salýǵa deıin jetkizgen. Ol qolynyń qan tamyryn kesip, ishin tildi", - deıdi Ýsmanovtyń dosy.

Ólkeniń Jazany atqarý qyzmetiniń ókili vıdeoda aıtylǵan dáıekter rastalsa, sottalǵandardy qınaǵan qyzmetkerler jumystan alynatynyn habarlady.

Tashkenttik zańger Odılbek Rahımberdıev abaqty qyzmetkerleri "Adamdy óz janyn qıýǵa deıin jetkizý" babymen jaýapqa tartylý kerek dep esepteıdi.

Quqyq qorǵaýshylardyń málimetine qaraǵanda, Ózbekstanda sottalǵan adamdardy azaptaǵan qyzmetkerlerdiń deni jazadan qutylyp ketedi. Kóbinde úndeý jasaǵan jábirlenýshilerdiń ózderin jazyqty etip qoıady deıdi.