Qazaqstan Respýblıkasy Tuńǵysh Prezıdenti – Elbasynyń Qory 2019 jylǵy 1 shildeden bastap dástúrli «Altyn Tobylǵy» ádebı baıqaýyna ótinimder qabyldaýdy bastaıdy. Syıaqynyń jalpy qory – 5,5 mıllıon teńge dep habarlaıdy Qamshy.kz aqparat agenttigi presidentfoundation.kz saıtyna silteme jasap.

Osymen besinshi ret ótkizilgeli turǵan baıqaý Jastar jylyna arnalady. Shyǵarmalar «Úzdik proza», «Úzdik poezıa», «Úzdik dramatýrgıa», «Úzdik balalarǵa arnalǵan shyǵarma» nomınasıalary boıynsha qabyldanady. Ár  jeńimpazǵa 1 mıllıon teńge kóleminde syıaqy taǵaıyndalady.

Jastar jylyna arnalǵan arnaıy nomınasıa «Uly dalanyń jasampaz urpaǵy» taqyrybynda jazylǵan «Eń úzdik shyǵarma» dep atalady. Syıaqy kólemi 1,5 mıllıon teńgeni quraıdy.

Baıqaýǵa elimizdiń 18-35 jas aralyǵyndaǵy jas daryndar qatysa alady jáne budan buryn esh jerde jarıalanbaǵan týyndylar at2019@fpp.kz siltemesi boıynsha qabyldanady.

Shyǵarmalardy elimizdiń tanymal mádenıet qaıratkerleri, aqyn-jazýshylar men jýrnalıserden quralǵan Qazylar alqasy saraptaıdy.

Baıqaýǵa usynylǵan jumystar janrǵa sáıkestik, oılaý derbestigi, avtorlyq ustanym, baıandaý rettiligi men maǵynalylyǵy, ıdeıa ereksheligi, ádebı-kórkem qundylyǵy, kórkemdik qıal men shyǵarmashylyq kózqaras, estetıkalyq áser tereńdigi sıaqty ólshemder boıynsha baǵalanady. Baıqaýǵa usynylǵan týyndylardy baǵalaý ádildigi barynsha jetildirilgen. Shyǵarma laqap atpen qabyldanyp, saraptaý kezinde qazylar alqasy shyǵarma avtorlarynyń esimderin aldyn ala bilmeıdi.

Ótinimder 2019 jylǵy 1 shilde men 1 qarasha aralyǵynda qabyldanady. Jeńimpazdar esimi (syılyq laýreattary) 2019 j. jeltoqsan aıynyń alǵashqy onkúndiginde jarıalanady. 

 Qazaqstan Respýblıkasy Tuńǵysh Prezıdenti – Elbasynyń Qory «Altyn Tobylǵy» ádebı baıqaýyn  talantty jas avtorlardy anyqtaý jáne qoldaý maqsatymen 2015 jyly taǵaıyndady. Baıqaý áriptesi – Memlekettik tildi damytý qory.

«Altyn tobylǵy» ádebıet júldesine baıqaý ótkizý erejesi:

1.Jalpy erejeler

1.Osy Ereje Qazaqstan Respýblıkasynyń Tuńǵysh Prezıdenti – Elbasynyń Qory taǵaıyndaǵan «Altyn tobylǵy» ádebıet júldesin (budan ári – Júlde)berý tártibin belgileıdi.

2.Júldeniń maqsaty – qazirgi zamanǵy Qazaqstannyń kórkem ádebıetin damytý, qoldaý kórsetý jáne nasıhattaý.

3.Júldeniń mindetteri:

1)jańa urpaqtyń qazirgi zamanǵy kórkem ádebıettegi ómirlik fılosofıalyq qaǵıdattaryn beıneleıtin jas qazaqstandyq qalamgerlerdi anyqtaý jáne kótermeleý;

2)ádebı úrdisterdiń qalyptasýyna qoldaý kórsetý;

3)qazirgi zamanǵy ádebıettegi jańa esimderdi kópshilik qaýymǵa tanystyrý.

4.Júldeniń quryltaıshysy men uıymdastyrýshysy –Qazaqstan Respýblıkasy Tuńǵysh Prezıdenti – Elbasynyń Qory (budan ári – Júlde quryltaıshysy).

Júldeni taǵaıyndaý boıynsha konkýrs ótkizýdiń seriktesteri: Qazaqstan Jazýshylar odaǵy jáne Memlekettik tildi damytý qory.

5.Júlde konkýrs negizinde tómendegi nomınasıalar  boıynsha taǵaıyndalady:

1) «Jyldyń úzdik prozasy»;

2) «Jyldyń úzdik poezıasy»;

3) «Jyldyń úzdik dramatýrgıasy»;

4) «Jyldyń balalarǵa arnalǵan úzdik shyǵarmasy»;

5)Jastar jylyna arnalǵan «Uly dalanyń jasampaz urpaǵy»  taqyryptyq úzdik ádebı týyndy.

6.Árbir nomınasıa jeńimpazyna «Altyn tobylǵy» ádebıet júldesiniń laýreaty ataǵy jáne 1 mıllıon teńge kóleminde syıaqy beriledi. 1,5 mıllıon teńge kólemindegi arnaıy syıaqy «Uly dalanyń jasampaz urpaǵy»taqyrybyna arnalǵan úzdik ádebı týyndy nomınasıasy jeńimpazyna beriledi.

2.Ótkizý tártibi

Konkýrs bastalǵany týraly habarlandyrý N.Nazarbaev Qorynyń saıtynda www.fpp.kz jáne buqaralyq aqparat quraldarynda jarıalanady.

Shyǵarmalar 2019 jylǵy 1 shildeden 1 qarashaǵa deıingi aralyqta qabyldanady.

Konkýrstyń qorytyndysy 2019 jylǵy jeltoqsannyń  birinshi onkúndiginde jarıalanady.

3.Júldege ádebı týyndylardy usyný tártibi

1.Konkýrsqa 18-35 jas aralyǵyndaǵy jas qalamgerlerdiń qazaq jáne orys tilindegi shyǵarmalary qabyldanady.

2.Bir avtor tek eki nomınasıaǵa qatysýǵa quqyly.

3.Avtorlyq jumystarǵa qoıylatyn talaptar:

1)Konkýrsqa bir avtordyń buryn esh jerde jarıalanbaǵan eki shyǵarmasy ǵana qabyldanady;

2)konkýrsqa beınormalyq qoldanystaǵy sózder kezdesetin, etıkalyq normalar men avtorlyq quqyqtary buzylǵan shyǵarmalar qabyldanbaıdy;

3)shyǵarma A-4 formatynda, mátini 14 kólemindegi Times New Roman qarpimen 1,5 aralyqta terilýi kerek. Mátinniń kólemine qoıylatyn shekteý:

• proza úshin - 35 betten kem emes;
• poezıa úshin - 5 betten kem emes;
• dramalyq shyǵarma úshin - 30 betten kóp emes;
• balalar ádebıeti úshin - 25 betten kóp emes;
• «Uly dalanyń jasampaz urpaǵy» taqyrybyna arnalǵan túrli janrdaǵy ádebı shyǵarma (proza - 35 betten kem emes; poema - 5 betten kem emes; drama - 30 betten kóp emes; balalar shyǵarmasy - 25 betten kem emes;).

1) Konkýrsqa jiberiletin ótinim «Altyn tobylǵy» degen belgi qoıylyp bir konvertpen mynadaı tártippen jiberilýi kerek:

Konvertke bólek salynatyndar 1) avtordyń aty-jóni kórsetilmeı bir danada basyp shyǵarylǵan shyǵarma, 2)avtordyń ózi týraly málimetter osy konverttiń ishinde jeke konvertte bolýy tıis:  aty, tegi, ákesiniń aty, týǵan jyly, turǵylyqty mekenjaıy, baılanys telefondary, e-mail.

4.Ótinimder poshtamen Nur-Sultan qalasy,A.Bókeıhan kóshesi, 1 úı, Qazaqstan Respýblıkasynyń Tuńǵysh Prezıdenti – Elbasynyń Qory mekenjaıyna jáne at2018@fpp.kz elektrondyq poshta boıynsha jiberilýi tıis.

5.Konkýrsqa qatysýǵa ótinim bere otyryp, avtor:

1)óziniń avtorlyǵyn rastaıdy;

2)Júldeniń uıymdastyrýshylaryna shyǵarmalardy buqaralyq aqparat quraldarynda, Uıymdastyrýshynyń uıǵarymy boıynsha jınaqtarda jáne ǵalamtorda jarıalaýǵa ruqsat beredi;

3)avtorlyq gonorardy talap etpeıdi.

6.Qabyldanǵan shyǵarmalar resenzıalanbaıdy jáne qaıtarylmaıdy.

7.Jumystardy Konkýrsqa jiberýge jáne saltanatty marapattaý rásimine qatysýǵa baılanysty shyǵyndardy qatysýshylar ózderi óteıdi.

4.Jeńimpazdardy anyqtaý tártibi

1.Qoljazbalardy baǵalaý jáne Júlde jeńimpazdaryn (laýreattardy) anyqtaýdy Konkýrstyń Quryltaıshysy elimizge tanymal  aqyn-jazýshylardan, baspa ókilderinen, sondaı-aq baıqaý quryltaıshylary men seriktesteri ókilderinen jasaqtaǵan (7 adamnan kem emes) Qazylar alqasy júzege asyrady.

2.Qazylar alqasynyń quramy men Tóraǵasyn Konkýrstyń Quryltaıshysy bekitedi.

3.Qazylar alqasynyń Júldeniń talaptaryna sáıkes kelmeıtin shyǵarmalardy qaramaýǵa (sonymen qatar anonımdi shyǵarmalardy) quqy bar.

4.Konkýrsqa usynylǵan shyǵarmalar qazylar alqasy múshelerine anonımdi túrde jiberiledi (avtordyń esimi atalmaıdy).

5.Qorytyndy sheshim qazylar alqasynyń jalpy sanynan keminde 2/3 kvorýmy bolǵan jaǵdaıda ashyq daýys berý arqyly qabyldanady.

6.Konkýrsqa usynylǵan týyndylardy ádil baǵalaý úshin barlyq jumystar anonımdi túrde qaralady. Konkýrsqa usynylǵan jumystardy baǵalaý kezinde shyǵarmanyń ózektiligi men avtordyń oılaý derbestigi, ustanymy, baıandaý rettiligi men maǵynalylyǵy, ıdeıa ereksheligi, ádebı-kórkem qundylyǵy, estetıkalyq áser tereńdigi basshylyqqa alynady.

7.Qorytyndy sheshim qabyldanǵanǵa deıin anonımdilik saqtalady.

8.Qazylar alqasynyń sheshimi aqyrǵy bolyp tabylady jáne qaıta qaralmaıdy.

9.Konkýrsqa laıyqty shyǵarmalar túspegen jaǵdaıda, Qazylar alqasy Uıymdastyrýshylarǵa sol nomınasıa boıynsha júldeni tolyǵymen bermeýge nemese jartylaı berý týraly usynys jasaýǵa quqyly.