Almaty ákimi Baqytjan Saǵyntaev qalalyq polısıa departamentiniń basshylyǵymen jáne qoǵamdyq keńes múshelerimen kezdesti dep habarlaıdy Qamshy.kz aqparat agenttigi. 

Ol týraly qala ákimi Facebook jáne Twitter áleýmettik jelilerindegi paraqshalarynda jarıalady. 

"İshki İster departamenti jáne qoǵamdyq keńespen jıyn ótkizdim. Qylmysqa, krımınalǵa, esirtkige qarsy kúresýdiń, PPQ pen ýchaskelik pýnktterdiń jumysyn jańartýdyń joldaryn belgiledik. Almaty turǵyndar men qonaqtar úshin qaýipsiz qala bolýy tıis. Bul PD jumysyna berilgen baǵa", - dep jazdy Twitter-de.

"İstiń jaǵdaıyn, keleńsiz jaıttardy jáne megapolıste qaýipsizdik pen quqyqtyq tártipti kúsheıtýdiń aldaǵy sharalaryn talqyladyq. Urlyqqa, buzaqylyqqa, tonaýǵa jáne nashaqorlyqqa qarsy kúresti barynsha kúsheıtý qajet. Munda patrúldik polısıanyń jumysyn qaıta qarap, vıdeobaqylaý jelisin keńeıtken jón. Polısıa departamentine ýchaskelik pýnktterge tekserý júrgizýdi, modernızasıa boıynsha usynys berýdi tapsyrdym", - dedi Baqytjan Saǵyntaev.

Saǵyntaev polısıa jumysynyń basty kórsetkishi halyqtyń senimi bolýy tıis ekenin eskertti jáne barlyq máseleler óziniń jeke baqylaýynda bolatynyn aıtty.

@dvd_galmaty jáne qoǵamdyq keńespen jıyn ótkizdim. Qylmysqa, krımınalǵa, esirtkige qarsy kúresýdiń, PPQ pen ýchaskelik pýnktterdiń jumysyn jańartýdyń joldaryn belgiledik. Almaty turǵyndar men qonaqtar úshin qaýipsiz qala bolýy tıis. Bul PD jumysyna berilgen baǵa. pic.twitter.com/4zs2L0qikv

— Bakytjan Sagıntaev (@sagintayev_b) 4 ıýlá 2019 g.