Astana qalalyq jastar máslıhatynyń VII shaqyrylymnyń eks-depýtaty Dınagúl Tasova Nursultan Qurmannyń Youtube arnasynda suhbat berdi dep jazady Qamshy.kz aqparat agenttigi. 

«Fashion Night Astana» sán kórsetiliminde jalańash tósin kórsetip, eldiń synyna ushyraǵan eks-depýtat Dınagúl Tasova ózine qatysty suraqtarǵa jaýap berdi.

Eks-depýtat:

"Halyq meniń sýretim arqyly óz oıyn bildirip qoıady. "Nege qazaqtyń qyzy bulaı júr?, áke-sheshesi ne qarap júr" degen sekildi óz oıyn meniń sýretimmen bildiredi. Sheshiný degen basty problema emes qoı. Bizde basqa da problemalar bar. Nege ekenin bilmeımin, eldiń bári sheshingenge qumar. Biraq bul talqylaıtyn dúnıe emes. Olar barlyǵyn "qazaqtyń qyzy" degen uǵymǵa tyǵyp qoıady. Men qazaq qyzy bolǵanymmen mamandyǵym bólek, ıaǵnı mamandyǵym – jýrnalıs. Odan bólek — model salasyndamyn. Men sol arqyly bardym, ol dúnıege. Mamandyǵym arqyly. Ózderińiz bilesizder, jaqynda Atyraýda arabtarmen bolǵan jaǵdaıda bir fotoǵa bola qanshama dúnıeni aıtyp tastadyq. Men alǵash kórgende sýretti jaı ǵana birge jumys jasaıtyn shyǵar dep oıladym. Múldem aram oıym bolǵan joq. Keıin zerttep qarasam, ol jigit tikeleı efırge qazaq qyzymen júrmin degen sekildi salǵan eken. Meni ol qyzdarmen salystyrmańyzdar. Ol qyz qaıda, men qaıda. Men óz mamandyǵymmen jumys istep júrmin. Model qyz bolǵan soń qolym bos kezde tapsyrystar bolady. Tapsyrys túrleri de ártúrli. Qazir kóbisi "haıp" dep jatyr, bul "haıp" emes. Men óz ómirime ózim "haıp" jasamaıtyn adammyn. Qazir kóp qyzdar jaǵajaıda, úıde sheshinip jatyr. Birazy áleýmettik jelige júkteıdi. Sony kórgender "mine qazaqtyń qyzy, ol ózi kópshilik aldynda sheshindi ǵoı" dep haıpty óz ómirine yǵystyryp tastaıdy. Sosyn bireý surasa, bul meniń "jeke" ómirim deıdi. Men olaı aıta almaımyn. Men barlyǵymen sanasamyn. Árbir adamnyń pikirin tyńdaımyn. Depýtattyq maǵan bir jyl ýaqytqa 2018-de berilgen mandat boldy.

Meni depýtat retinde qarastyrǵan bólek áńgime. Al men qazir model retinde áńgime aıtyp jatyrmyn. Men memlekettik qyzmetker emespin ǵoı. Ókingen kezderim boldy. Eger maǵan taǵy usynys tússe, taǵy da shyǵamyn. Bul meniń jep otyrǵan nanym ǵoı",-deıdi.

Model bolyp nan taýyp júrgen eks-depýtat qyzdarǵa "ózin durys tanyp, isime eliktemesin",- deıdi.

Dınagúl Tasova:

"Maǵan kóptegen adamdar aqsha usynady. Biraq men ar-namysymdy aqshaǵa satpaımyn. Denemniń jalańash bolǵany, jan dúnıemniń de ashyq ekenin bildirmeıdi.",- dep jaýap berdi ózine qatysty suraqqa.