Toqaevtyń kishkentaı balamen túsken fotosy áleýmettik jelide qyzý talqyǵa tústi. Atalmysh fotony tanymal bloger Sholpan Álı óziniń feısbýk paraqshasynan jarıalady dep jazady Qamshy.kz aqparat agenttigi. 

"Ádemi kórinis, ıá. Búgin Toqaev kúzetshilersiz halyq arasyna shyqty. Pıar bolǵannyń ózinde bul - durys! Prezıdenttiń qasyndaǵy halyqtyń kóńil-kúıi de kóterińki. Endi adamnyń kóńil-kúıin qoldan jasaı almaıtyny anyq. Al Toqaevtyń qolyndaǵy bala erjetip, ata-anasynyń kóz qýanyshy bolsyn. Keıin ol erjetken soń bul sýretti óziniń nemere-shóberelerine maqtanyshpen kórsetetin bolady", - dep jazdy Sholpan Álı.

Jazbaǵa pikir qaldyrǵandardyń eki túrli boldy. Biri Toqaevtyń bul áreketine tánti bolsa, ekinshisi prezıdenttiń kúzetshisiz júrgenine senbeıtinin aıtty.