Búgin, mereke kúni Nur-Sultan jáne Almaty qalasynda mıtıń ótti. Sherýge shyqqandardyń ishinde egde jastaǵy áıel azamatsha shep quryp turǵan polıseılerdiń aldynda tizerledi. Bul vıdeony Turǵymbaı Erjan óziniń Youtube arnasyna júktedi dep jazady Qamshy.kz aqparat agenttigi. 

Alańǵa shyqqan áıel:

"Eshkimge tıispeńdershi, qoıyńdarshy, ótinish!",- dep polısıa aldynda tize búkti. Sol jerde júrgen basqa da áıelder ony ornynan turǵyzyp, olaı jasamaýyn surady. Tize búkken azamatshany ustap alyp ketpek bolǵan polıseılerge sherý belsendileri qarsy shyqty.  Barlyq áıeldi alyp ketýge quzyrly organ májbúr boldy.

Vıdeoda ústine elimizdiń kók týyn jamylyp, basyna taqıa kıip alǵan er azamat aıaǵy jerge tıer-tımes bolyp, tártip saqshylarynyń qolynda ketip bara jatyp "Oıan, qazaq!" dep urandap barady.

Esterińizge sala keteıik, Bas prokýratýra bul mıtıńtiń zańsyz dep tabylatynyn aldyn-ala aıtqan bolatyn.

QDT ekstremıstik top retinde tirkelip, el kóleminde shekteý qoıylǵan qozǵalys bolyp tabylady.