6-shilde kúni Almaty jáne Nur-Sultan qalalarynda zańsyz sherýler uıymdastyrylyp, 100-den asta adam tutqyndalǵan. BAQ ókilderi baspasóz konferensıasy barysynda mınıstrden qolshatyr ustaǵandardyń nege ustalmaǵanyn surady. Mınıstr jaýap berdi dep jazady Qamshy.kz aqparat agenttigi.

"Aryz jazyńyzdar, biz qaraımyz. Ol kúni kóshede jaı ǵana ótip bara jatqan, qydyryp júrgen adamdar kóp boldy. Biz, Bas prokýratýra jaǵdaı týraly aldyn ala eskerttik. Zańmen ruqsat berilmegen mıtıńke qatysý ákimshilik quqyq buzýshylyqqa jatatynyn aıttyq. Turǵyndardy qalanyń shyrqyn buzbaýǵa, merekelik kóńil-kúıdi qurtpaýǵa shaqyrdyq", - dedi ol. 

Mınıstrdiń aıtýynsha, osy ýaqytqa deıin oryn alǵan mıtıńterde adamdardy arandatyp, mıtıńti qarjylandyrǵany úshin 2 adamnyń ústinen qylmystyq is qozǵalǵan.