2019 jyl Elbasymyz N.Á.Nazarbaevtyń qoldaýymen "Jastar jyly" bolyp atalynǵany bárimizge aıan, degenimen kópshilik osy jyl qarsanyńda ótkizilip jatqan is-shara men jastarǵa arnalǵan múmkindikterdi bireýi bilip, bireýi bilmeýi múmkin.

Sol úshin shaǵyn aqparat jınap óttik: Qazirgi tańda bilimdi, bilikti, jańa ónertapqysh jastardy qoldaý sharalary elimizdiń ár óńirinde uıymdastyrylyp jatyr. Qazaqstanda 4 mln-ǵa jýyq jastar bar, olar ártúrli sanatqa jatady. Onyń ishinde – jas ǵalymdar, akterler, sportshylar, ánshiler, aýyl sharýashylyǵynyń mamandary, jeke kásipkerler bar.

Osyǵan oraı Jastar bıznesin qoldaý, Jastar startaptaryn qoldaý qoryn qurý, stýdent- volonterlardyń shákirtaqysyn kóterý, jas ǵalymdardyń jobalaryn qarjylandyrý, stýdenttik qurylys qozǵalystaryn damytý, sonymen qatar, jas otbasylarǵa qoldaý kórsetý jáne t.b. ıgi ister atqarylyp jatyr. Atalyp ótken jumystardyn bári tek "Jastar jyly" qarsańynda ǵana emes, aldyńǵy jyldarda da atqarylǵan, al bul jyl jastarǵa tek odan ári kóp múmkindik berip, arman-maqsatyna jetýine járdemdesedi.

Berilgen múmkindikti durys paıdalaný tek jas býynnyń qolynda. Ótken menen bolashaqty baılanysta ustaý, qazaqı rýhymyzdy joǵarlatý tek básekege qabiletti, kózi ashyq, kókiregi oıaý jastardyń qolynan keledi. Memleketti jańa jahandyq deńgeıge shyǵaratyn jastar. Qoryta kele, kez-kelgen memleket jastar bilimine jáne tárbıesine, tulǵa bolyp qalyptasýyna, biliktiligin arttyrýǵa qatty kóńil bóledi, sebebi ol – el erteńi.

Sondaı ıgi isterdiń birin Azamattyq bastamalardy qoldaý ortalyǵynyń uıytqy bolýymen «Adyrna» ulttyq-etnografıalyq birlestigi uıymdastyrmaq. «Týǵan jer» atty joba aıasyndaǵy baıqaýdyń tórt nomınasıasynyń biri «Úzdik ónertabys» dep atalady. Onda jastar ózderiniń ǵylymı, turmystyq jáne t.b. ónertabystaryn usynyp, arnaıy aqshalaı syılyqtar men alǵys hattarǵa ıe bola alady.

Avtor: Symbat Juldyzbaı