Qazaqstan Joǵarǵy sotynyń kasasıalyq alqasy Denıs Tenniń ólimine qatysty is boıynsha sottalǵan Janar Tolybaevany qaýipsizdigi ortasha kolonıaǵa qaıtarýdy suraǵan bas prokýrordyń talabyn qanaǵattandyrdy dep habarlaıdy Qamshy.kz aqparat agenttigi.

2019 jyldyń 13 naýryz kúni Almaty qalalyq soty Janar Tolybaevnyń jazasyn jeńildetýge sheshim qalbyldady. Sot ony kámeletke tolmaǵan eki balany tárbıelep otyrǵanyn eskerip, ortakúzet kolonıasynan qonys kolonıasyna aýystyrǵan bolatyn.

Eske sala ketsek, Janar Tolybaeva 2019 jyldyń 6 naýryzynda ul bosandy. Osyǵan baılanysty sottalýshynyń advokaty Amangeldi Sarıev jazany óteý merzimin keıinge qaldyrýdy suraǵan bolatyn. Tolybaeva sábıdiń ákesi Arman Qudaıbergenov ekenin aıtqan edi. Ol da Denıs Tenniń ólimine qatysty is boıynsha sottaldy.

Oksana Tenniń oıynsha, Tolybaeva kezdeısoq kýáger emes, sol qylmysqa seriktes bolǵan.

"Biz Bas prokýratýraǵa mundaı sheshim úshin alǵysymyzdy bildiremiz. Tolybaeva tek kezdeısoq kýáger emes, qylmystyq istiń seriktesi bolǵan dep sanaımyz", - dedi Oksana Ten. 

Sot otyrysynda Tolybaevanyń advokaty İzimbaev Bas prokýrordyń narazylyǵyn qabyldamaýdy jáne ekinshi ınstansıa sotynyń sheshimin kúshinde qaldyrýdy surady. Alaıda sot ekinshi ınstansıa sotynyń sheshimin joıdy.