Burynǵy bilim jáne ǵylym vıse-mınıstri Elmıra Sýhanberdıeva keshegi ótken sot otyrysynda óz kinásin tolyq moıyndady dep jazady Qamshy.kz aqparat agenttigi. Sot sheshimi búgin shyǵady. 

Sot otyrysynda sýdıa sotqa qatysýshylardyń jeke málimetin surap jazyp alǵan. Al Elmıra Sýhanberdıeva otbasy týraly aıtqan kezde kóz jasyna erik bergen. 

"4 balam bar. Eń .úlkeni 27 jasta, al odan keıingisi 17-de. Taǵy biri 7 jasta, eń kishisi 3 jasta" - dedi Elmıra Sýhanberdıeva. 

"Qylmystyq kodekstiń 361-baby, 1-bóligi boıynsha 2 500 aılyq eseptik kórsetkish kóleminde (6 312 500 teńge) aıyppul salynsyn. Oǵan qosa, belgili bir qyzmetterdi atqarýǵa tyıym salynýy qajet, múlki de tárkilensin", - dedi prokýror Bekmaǵambetov.

Al Elena Shevernáevaǵa prokýror 500 AEK kóleminde aıyppul salýdy usyndy.