Parıj qalasynda 43 jastaǵy Hassa bınt Salman al Saýd pen onyń kúzetshisiniń ústinen qozǵalǵan is boıynsha sot ótti. Sot Saýd hanshaıymy men onyń kúzetshisine qarý qoldaný arqyly qatardaǵy jumysshyǵa zábir kórsetkeni úshin jaza kesti dep jazady Qamshy.kz aqparat agenttigi Al Jazeera  saıtyna silteme jasap. 

2016 jyly kúzde hanshaıym óziniń Parıj qalasyndaǵy páterinde osy qylmysqa barǵan. Onyń kúzetshisi tehnıkalyq qyzmetkerdi uryp, aıaq-qolyn baılaıdy. Jábirlenýshiniń aıtýynsha, oqıǵadan buryn ol jýynatyn bólmeni jumys maqsatymen sýretke túsirgen. Al hanshaıym sýretke ózi túsip qaldym, al santehnık ony satpaqshy dep oılaǵan. 

Sotqa tek kúzetshi ǵana qatysty. Bınt Salman Saýd Arabıasynda júr. Óıtkeni, 2017 jyldyń qarashasynda fransýz soty ony tutqynnan bosatqan. 

Sot qorytyndysynda prokýror hanshaıymdy bir jarym jyl bas bostandyǵynan aıyryp, 5 myń eýro kóleminde aıyppul salýdy surady. Al kúzetshi ózine taǵylǵan aıypty moıyndaýdan bas tartty.