Qazaqstan Respýblıkasynyń Omby qalasyndaǵy konsýly reseılik jýrnalısermen kezdesip, kezek máselesi týraly pikir bildirýden bas tartty dep jazady Qamshy.kz aqparat agenttigi. Reseılik BAQ ókilderi Qazaqstan elshiliginiń qabyldaýyna kirý úshin qazaqstandyqtardyń birneshe kún kezekte turǵanyn jarysa jazǵan. 

Reseılik BAQ-tyń deregine súıensek, qazaqstandyqtar elshilikten qujat ala almaı otyr. Altaı, Kemerovsk, Chelábınsk jáne Túmen óńirlerinde qazaqstandyqtar birneshe kún boıy kezekte tur. 

Osy máseleniń sebebin anyqtaý úshin jýrnalıser Ombydaǵy Qazaqstannyń konsýly Qonysbek Júsipbekovke habarlasqan. Alaıda sheneýnik jýrnalıserge ursyp beripti. 

"Sizderge ne kerek, men túsinbedim? Sizderdiń Reseıde basqa máseleler joq pa? Nege basqa eldiń isine aralasasyzdar? Men Reseıdiń emes, Qazaqstannyń konsýlymyn", - degen Qonysbek Júsipbekov.