Jalpy alǵanda, tarıfterdi esepteý ádistemesi de túbegeıli ózgermek. 2021 jyldan bastap tarıf qalyptastyrý barysynda amortızasıalyq shyǵyndar eskeriletin bolady. Tarıf máselesindegi negizgi ózgeristiń biri osy.

Medısınalyq qyzmetterdiń naryqtaǵy baǵasy men memlekettik tarıfıkatordy salystyrsaq tarıf qalyptastyrý tásilderiniń arasyndaǵy alshaqtyqty baıqaýǵa bolady. Mysaly, kepildendirilgen tegin medısınalyq kómek sheńberinde búırekke jasalatyn ÝDZ úshin 804 teńge tólenedi. Al, memlekettik medısına uıymdarynda ÝDZ aqyly túrde jasatý úshin orta
eseppen 2 230 teńge tóleý qajet.

Sheshýdi qajet etetin máseleniń biri – profılaktıkalyq qyzmetterdi damytý salasy. Bul qyzmetter emhanalar men dárigerlik
ambýlatorıalarda kórsetiledi. Eń aldymen osy bloktaǵy tarıfterdi kóteremiz. Sebebi profılaktıkanyń máni zor,- dedi MÁMS qory fılıalynyń basshysy B.Ismahanbetov.

Basshynyń málimdeýinshe, «Jyl basynan beri tarıfter eki ret kóterildi. Birinshi kezeńde – medısına salasyndaǵy jalaqysy tómen mamandardyń aılyǵy kóterildi, ekinshi kezeńde – medısına uıymdaryndaǵy barlyq qyzmetkerlerdiń jalaqysy ósti.

Qarjynyń ósýi satyp alynatyn qyzmet túrlerin kóbeıtýge múmkindik beredi. Nátıjesinde densaýlyq saqtaý salasynda jaǵymdy ózgerister bolady:
- aqsha kóbeıgen soń tarıf ósedi,
- tarıf joǵary bolǵan soń memlekettik tapsyrysty oryndaýǵa qulshynatyn
klınıkalar sany artyp, bıznes jańa klınıkalar ashýǵa yntaly bolady,
- klınıka qansha kóp bolsa, pasıent úshin kúres te kúsheıedi,
- básekelestik qansha kúshti bolsa, halyqqa kórsetiletin qyzmet sapasy da
joǵarylaıdy.

MÁMS júıesi densaýlyq saqtaý salasyna, árbir pasıentke osyndaı múmkindikter beredi».