«Yessenov University»-de ótken konferensıa jumysyna «Nur Otan» partıasy tóraǵasynyń birinshi orynbasary Baýyrjan Baıbek, Mańǵystaý oblysynyń ákimi Serikbaı Trumov, «Nur Otan» partıasy Mańǵystaý oblystyq fılıaly tóraǵasynyń birinshi orynbasary Elýbaı Ábilov, oblystyq máslıhattaǵy depýtattyq fraksıanyń músheleri, partıa belsendileri, BAQ ókilderi qatysty.

Basqosýda sóz alǵan «Nur Otan» partıasy Tóraǵasynyń Birinshi orynbasary Baýyrjan Baıbek Partıa Tóraǵasy, Elimizdiń Tuńǵysh Prezıdenti Nursultan Nazarbaevtyń bergen birqatar tapsyrmalarynyń oryndalysyna basa nazar aýdarý qajettigin aıtyp, partıanyń bastamasymen júzege asyrylyp jatqan jobalardyń ýaqtyly ári sapaly oryndalýyna basa mán berýge shaqyrdy. Halyqtyń muń-muqtajyna qulaq túrý, kem-ketikterdi tolyqtyrý qajet. Baýyrjan Baıbek osy máselelerge basa nazar aýdarý kerektigin aıtty.

Sebebi, turǵyndardyń áleýmettik-saıası ómirindegi partıanyń róli erekshe. Osyny umytpaý kerek. Eldiń áleýetin arttyratyn
bastamalardy da aıaqsyz qaldyrmaýdy tapsyrdy. Ásirese "Baqytty otbasy", "Qutty meken", "Halyqqa kómek", "Aýyl-el besigi" syndy 20 jobanyń jumysyn jandandyrý shart, dedi ol.

Sonymen qatar, konferensıa barysynda «Nur Otan» partıasy Mańǵystaý oblystyq fılıalynyń jańa tóraǵasy bolyp oblys ákimi Serikbaı Trumov saılandy. Al tóraǵa kýáligin Serikbaı Ótelgenulyna Baýyrjan Baıbektyń ózi tapsyrdy. Sondaı-aq, partıanyń Mańǵystaý oblystyq fılıaly Saıası keńesiniń quramyna ózgerister engizildi.

Otyrysta Baýyrjan Baıbek qoǵamdyq dıalog qamtamasyz etý kerektigin aıtyp, arystyqtarǵa kómek qolyn sozǵan Mańǵystaý halqyna rızashylyǵyn bildirdi. Partıanyń jumysy eldiń máselesi, dedi ol. Sodan soń, qurylysy júrip jatqan onkologıalyq ortalyqtyń jumysyn tanysty.