Tasmaǵambetov Abaıdyń 175 jyldyǵyna arnalǵan ıntelektýaldyq estafetany jalǵastyrdy dep jazady Qamshy.kz aqparat agenttigi. 

Qazaqstannyń Reseı Federasıasyndaǵy Tótenshe jáne ókiletti elshisi Imanǵalı Tasmaǵambetov qazaqtyń oıshyly, aqyn Abaı Qunanbaevtyń 175 jyldyǵyna arnalǵan #Abai175 estafetasyn jalǵastyrdy.

Tanymal reseılik prodúser Igor Krýtoıdan jáne aqyn Maraltaı Raıymbekulynan Abaı óleńderin oqý estafetasyn qabyldaǵan elshi Abaıdyń altynshy qara sózin oqydy.

Aıta ketetin bolsaq, Imanǵalı Nurǵalıulyna Abaı murasy tyń taqyryp emes. Osydan shırek ǵasyr buryn, 1995 jyly vıse-premer Tasmaǵambetov Abaıdyń 150 jyldyǵyn IýNESKO kóleminde toılaýǵa úlken muryndyq boldy. Qazaqstan Ulttyq Ǵylym akademıasynyń Abaıdyń 150 jyldyǵyna arnap ótkizgen merekelik sesıasynyń ashylýynda Tasmaǵambetov «Abaı – Pikirimizdiń piri, Rýhymyzdyń týy» atty úlken baıandama jasaǵan.

Tasmaǵambetov Abaıdy ǵana emes, barsha qazaq zıalylaryn dáripteýge barynsha qoldaý kórsetip júrgen jan. IýNESKO qamqorlyǵymen Jambyl Jabaevtyń da 150 jyldyǵyn, Muhtar Áýezov, Qanysh Sátbaev, Ǵabıt Músirepov, Álkeı Marǵulannyń ǵasyr toılaryn ótkizgeni dálel. Sondaı-aq, Tasmaǵambetov 2017 jyly vıse-premer qyzmetinde Alashtyń 100 jyldyǵyn toılaýǵa bastama kótergen edi.

Elshi estafetany jan dosy Dosqan Joljaqsynovqa joldady.