"Golos.Detı" - 2019 baıqaýynyń qos jeńimpazy qazaqstandyq Erjan Maksım men Reseıdiń tanymal ánshisi Alsýdyń qyzy Mıkella Abramovanyń beınebaıany jaryqqa shyqty dep habarlaıdy Qamshy.kz aqparat agenttigi.

Qos jas ónerpazdyń birge aıtqan "Eta lúbov" atty ánderine túsirilgen beınebaıany úlen saparǵa aıaq basty.

Bul jańalyqty Mıkella Abramova Instagram jelisindegi paraqshasynda jáne YouTube-taǵy arnasynda jazyp, jarıalady.  

"Mine, Erjan Maksımmen birge túsirilgen beınebaıannyń kópten kútken premerasy. Bul eń móldir sezim - mahabbat týraly jaqsy áńgime. Ony árdaıym júregińizde saqtaý kerektigin umytpańyz!

Osy án men beınebaıannyń dúnıege kelýine septigin tıgizgen jandarǵa alǵys aıtqym keledi. Jumys keremet boldy, al nátıje barlyq úmitti aqtady jáne árbirińizge qoldaý kórsetip, laık basyp, pikir qaldyrǵandaryńyz úshin rahmet! Sizderden keri baılanys kútemiz, mindetti túrde óz pikirińizdi qaldyryńyz jáne beınebaıanmen dostaryńyzben bólisińiz", - dep jazdy Mıkella.