Polıseıler tizgindegen qyzmettik kólik pen kóshi-qon zańnamacyn buzǵan sheteldik azamattar Almaty - Ekaterıngbýrg tasjolynda jol apatyna ushyrady dep habarlaıdy Qamshy.kz aqparat agenttigi Jambyl oblystyq PD baspasóz qyzmetine silteme jasap.

Tasjoldyń 380-shaqyrymynda SsanYong markaly avtokólik aýdarylǵany týraly habar Jambyl oblystyq polısıa departamenti kezekshi bólimine 13-shildede 17:35-te túsken. 

"Jol-kólik oqıǵasy saldarynan Moıynqum aýdandyq polısıa bóliminiń eki qyzmetkeri jáne bir Ózbekstan Respýblıkasynyń azamaty qaza tapqan. Jol-kólik oqıǵasy kóshi-qon zańnamasyn buzǵandardy bólimshege jetkizý kezinde bolǵan", - delingen habarlamada.

Osy derekke qatysty QR Qylmystyq kodeksiniń 345-baby 4-bóligi ("Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy") boıynsha sotqa deıingi tergeý sharalary júrgizilip jatyr.