Almatyda aqyn jáne qoǵamdyq belsendi Aron Atabektiń qyzy Aıdana Aıdarhan ákisiniń bosatylýyn talap etti dep habarlaıdy Qamshy.kz aqparat agenttigi.

14-shilde kúni Almatydaǵy Abaı eskertkishine kelgen Aıdana Aıdarhan ákesiniń beınesi bar sýretpen kelip, onyń óleńderin oqydy. Osylaı, boıjetken ákesiniń túrmede otyrǵanyna 13 jyl bolǵanyna nazar aýdarǵysy kelgen.

20 mınýttan óter-ótpesten tártip saqshylary ustap áketti. Ony Medeý aýdandyq ishki ister bólimine apardy. Eki saǵattan keıin boıjetkendi bosatty. Bul týraly óziniń Facebook paraqshasynda Asem Japısheva habarlady.

Esterińizge sala keteıik, 2006 jyly 14-shilde kúni Almatydaǵy Shańyraq aýdanynyń turǵyndary úılerin zańsyz degenge kelispeı, narazylyq sharalaryn bastaǵan bolatyn. Oqıǵa kezinde bir polıseı qaza tapty. Jappaı tártipsizdikter uıymdastyrdy dep aqyn jáne qoǵamdyq belsendi Aron Atabekti aıyptady. Ony 18 jylǵa bas bostandyǵynan aıyrdy. Aron Atabek óz qylmysyn moıyndaǵan joq.