Búgin elimizdiń ońtústik astanasynda elektr energıasy sónip qaldy dep habarlaıdy Qamshy.kz aqparat agenttigi.

Qalanyń kóptegen aýdandarynda baılanys quraldary men mobıldi ınternet álsiz istep tur.

Turǵyndardyń aıtýynsha, Almaly, Medeý, Jetisý, Túrksib, Bostandyq jáne Áýezov aýdandarynda elektr qýaty sónip tur.

Kóshe qıylystarynda baǵdarshamdar jumys istemeıdi. Patrúldik polısıa qyzmetkerleri jol qozǵalysyn retteýde.

"Qalanyń toqtan ajyraǵany týraly aqparat túskenen keıin patrúldik polısıa Almatynyń búkil kóshe qıylystaryna jol qozǵalysyn retteýge shyqty. Birinshi kezekte ortalyq magıtrali, odan keıin basqa kóshelerde beketter qoıyldy. Qazirgi kezde, 400-den astam patrúldik polısıa qyzmetkeri jumys isteýde. Qalada jaǵdaı qalypty", - dedi Almaty qalasynyń polısıa departamentiniń baspasóz hatshysy Saltanat Ázirbek.