Reseıdiń  Iýrmala qalasynda ótetin "Jańa tolqyn-2013" atty baıqaýda Qazaqstannyń atynan Dınara Adamnyń  jańa jobasy  ADAM esimdi  ánshi  saıysqa túsedi. Baıqaýdyń Máskeýde ótken sońǵy irikteý kezeńinde ADAM qazylar alqasyn erekshe daýsymen tánti etken bolatyn. 

Sońǵy jyldary juldyz bolýdy armandaıtyn jas ánshilerdi jaryqqa shyǵarý qolǵa alynýda. Bolashaǵynan  úmit kúttiretin, boıynda tabıǵı daryny bar, óz ereksheligi de jeterlik jastarǵa qoldaý kórsetý kerek. Sondaı  jastardyń  biri,  otandyq  mýzyka  ónerine  jańashyldyǵymen  engen   ánshi ADAM    klasıkalyq rıtm-n-blúz janry boıynsha alǵashqy oryndaýshy bolýymen  erek. Prodúserlerdiń ADAM-dy jaryqqa shyǵarýdaǵy basty maqsaty – jaýyr bolǵan birsaryndy mýzyka men Qazaqstan shoý-bıznesine buryn-sońdy bolmaǵan  jańa úlgidegi jańalyq ákelý. Oryndaýshynyń basty ereksheligi – ándi taza, shynaıy oryndaýmen qatar dramatýrgıa men jan tebirenter, ómir taqyrybyndaǵy ánderdi tyńdarmandardyń júregine jetkizýi eken. Esterińizde bolsa, «Eýrazıalyq Muzzone EMA- 2012» marapattaý keshinde ADAM-nyń tusaýy kesilgen edi. «Muzzone EMA 2012» marapattaý rásiminiń shymyldyǵyn «Jol» dep atalatyn ánimen ashty.

Báıgege  úkilep qosqan  jas  ánshi  sheteldik   baıqaýda  top  jaryp, el  úmitin aqtaıdy dep  seneıik!

Torǵyn  Ábýshahman