Sabyr etersiz, qadirli oqyrman! Bizdiń Táýelsiz Qazaqstanymyz 30 jyldyq egemendik mejesinde Orta Azıa elderi boıynsha óz-ózine qol jumsaýdan kósh bastap keledi.

30 jyl kólemindegi masqara statısıkany shyǵarǵan amerıkalyq Húston-Daýntaýn ýnıversıtetiniń muǵalimi Shahnaz Savanı edi. «Orta Azıadaǵy sýısıd: Adam ómirin qorǵaýdyń joldary men tásilderi» degen taqyrypta baıandama oqyǵan amerıkalyq abyroıdy aırandaı tókti.

Endi paıyzǵa kezek berelik. Óziniń ómirin óz qolynan qıǵandardyń 48,1 paıyzy Qazaqstanda, 15,8 paıyzy Túrikmenstanda, 13,6 paıyzy Ózbekstanda, 7,2 paıyzy Tájikstanda oryn alǵan.

Shahnaz Savanıdiń aıtýynsha, atalǵan elderde ıslam dinin ustanatynyna qaramastan, óz-ózine qol jumsaý faktileri azaımaı tur. Shahnazdyń oıynsha, ıslam dini qate basqan adamǵa úlken jaza qoıyp, kinásin betine basa beredi jáne eshqandaı jan-jaqty qoldaý kórsetpeıdi-mys.