Qazaqstan Respýblıkasynyń premer-mınıstriniń orynbasary Gúlshara Ábdiqalyqova aldaǵy jyldary múmkindigi shekteýli azamattarǵa qandaı kómekter jasalatyny týraly aıtyp berdi dep jazady Qamshy.kz aqparat agenttigi Sputniknews.kz saıtyna silteme jasap.

"Ústimizdegi jyldyń mamyr aıynda 2025 jylǵa eldegi múmkindigi shekteýli, kómekke zárý azamattardyń ál-ahýalyn kóterýge baǵyttalǵan jańa jospar qabyldanǵan. Onyń ishinde múmkindigi shekteýli jandardyń áleýmettik kómekti esh qıyndyqsyz alýyna jaǵdaı jasalmaq. Bul barlyǵymyzdyń ýaqytymyzdy únemdeıdi", - dedi Gúlshara Ábdiqalyqova.

Onyń sózine sensek, elimizde múgedekterge arnalǵan qalpyna keltirý ortalyqtary kóptep ashylmaq. Budan bólek, memleket esebinen eldegi múmkindigi shekteýli jandarǵa sońǵy tehnologıalar kómegimen jasalǵan 3D protezderin alyp berý josparda bar.