Almatydaǵy Alataý aýdany ákimdik ǵımaratynyń aldynda kóp balaly analar men áleýmettik kómek almaǵan azamatshalar jınaldy dep habarlaıdy Qamshy.kz aqparat agenttigi.

Ákim Shahmerden Ryspaevtyń qabyldaýyna kelgen azamatshalar ony óz ornynan tappady. Analardyń aıtýynsha, búkil aımaqtar áleýmettik kómekti alǵan, tek Alataý aýdany shette qaldy.

Kóp balaly analar ákimnen arnaýly áleýmettik kómekti ýaqytyly túsirip bersin dep talap qoıýda.

Sonymen qatar, baspana problemasymen kelgen adamdar da boldy.  Olar "Nurly jer" baǵdarlamasymen salynǵan Saıaly-2 yqsham aýdanyndaǵy úılerin ala almaı otyr. Olar 7-8 aı buryn berilgen úıleriniń kiltin talap etti.

Kóp balaly analarǵa Alataý aýdany ákiminiń orynbasary Saıat Aǵybaev shyqty. Ol ákimniń jınalystan shyǵyp, ákimdikke bettegeni týraly habarlady. Ákim 20-25 mınýttan keıin kelip, járdemaqy 2-3 kúnde túsetini týraly aıtty.