Almaty oblysynyń ákimi Amandyq Batalov eki birdeı aýdan ákimin taǵaıyndady dep jazady Qamshy.kz aqparat agenttigi. 

Qaratal aýdanyna Prezıdent Ákimshiliginiń kelisimimen jáne máslıhat depýtattarynyń qoldaýymen Qaırat Naımanbaıuly Buldybaev taǵaıyndaldy. Buryn ol Taldyqorǵan qalalyq máslıhatynyń hatshysy qyzmetin atqarǵan.

Qaratal aýdanynyń eks-ákimi Raýan Raqymbekov Eskeldi aýdanynyń ákimi bolyp taǵaıyndaldy.

"Keshe Prezıdent Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótti. Biz tapsyrma aldyq, bizge jaýapkershilik júkteldi jáne artqan senimdi aqtaýymyz kerek. Eń aldymen biz eldiń áleýmettik saıasatyn iske asyrýdy qamtamasyz etýge tıispiz. Investorlarmen jumys isteý jáne halyqtyń ómir súrý sapasyn jaqsartý. Búgingi kadrlyq ózgerister óńirlerde kezdeısoq emes. Eskeldi jáne Qaratal aýdandary agrarlyq aımaqtar bolyp tabylady. Sizderdiń aldaryńyzda eginniń sapasyn jaqsartý jáne aýyl sharýashylyǵyn jańǵyrtý mindeti tur", - dedi oblys ákimi Amandyq Batalov.